過時‧過節丨Anson Lo稱意外後成員有不同情緒 同Edan日煩夜煩問候姜濤身體情況

MIRROR成員盧瀚霆（Anson Lo）日前與鄭欣宜完成《神之拉闊》音樂會後，因胃拉筋下台時需要工作人員攙扶，更痛得難以忍受而取消訪問。今日Anson Lo和隊友呂爵安（Edan）齊齊現身太古城中心，為他們參與的電影《過時‧過節》宣傳，吸引大批「神徒」和「爵屎」擠爆商場恭迎偶像，場面非常墟冚。

同場加映：神之拉闊丨鄭欣宜被嘲揀跳舞歌懷舊勁激動 Anson Lo勁歌熱舞後因胃痛拒訪

{{hket:ul-video id="6993"}}{{/hket:ul-video}}

神之拉闊丨「教主」Anson Lo盧瀚霆重踏舞台發抖留有餘悸 感激神徒關愛：令我能夠鼓起勇氣【下一頁】

{{hket:inline-image name="1762b05b-2613-476f-8a6b-aacb6330fe87.jpg"}}{{/hket:inline-image}}

Anson Lo穿上藍色西裝、架上眼鏡以斯文look示人，精神奕奕，似乎身體已經康復，而Edan以黑白色西裝登場，兩位都有型有款，他們一到場、在台上一舉手一投足都引發起全場尖叫聲雷動。對於有粉絲通宵留守商場霸位，Edan說：「知道Fans一向好支持、好錫我哋，通宵開始排隊，真係擔心佢哋太辛苦，希望大家量力而為。」Anson Lo坦言心痛粉絲們，由於他們比較少夜晚的活動，所以他們比平日還要等得長時間，感激大家支持。」

問到Anson Lo的身體情況，他表示：「我令大家擔心唔好意思，當晚胃抽筋，對唔住Joyce（鄭欣宜），我即晚有食藥，第二日有睇醫生，醫生提我要均衡飲食，唔可以唔食嘢。可能心情太緊張，第一次再上舞台，怕食錯嘢或者食太多，可能太多過份疑慮，我今日有改善番，有食嘢，以後唔可以淨係食飯同炒飯，食多啲肉同菜，要健康啲！」對於拉闊音樂會將跳舞班底全部撤換，Anson Lo承認此事，排舞老師和舞蹈員都全部換過，他感激大家體諒，明白由頭去學習應付他的舞蹈相當辛苦，他說：「過去合作開嘅舞蹈員，我都希望有一日大家一齊準備好之後，再同大家一齊上任何一個舞台！」

調查報告出爐丨Anson Lo回應事故報告感觸偷泣 MIRROR驚訝器材資料虛報：原來差咁遠【下一頁】

{{hket:inline-image name="8d1b90ff-5358-4539-ae48-7c73a27896c5.jpg"}}{{/hket:inline-image}}

{{hket:inline-image name="bdf189c1-0776-419c-a18d-052c9a416edb.jpg"}}{{/hket:inline-image}}

提到Anson早前在《903 AllStar籃球賽》受訪期間落淚，他解釋：「訪問中間情緒嚟，我都想忍住，忍唔到所以避去後面，我相信唔只係我，經歷過呢件事嘅人一定有唔同程度嘅情緒，只係唔喺大家面前呈現。釋放負能量同擔心，我近來都多咗同屋企人一齊傾下自己感受。」Edan表示得知他們的訪問出街之後，引起相關舞蹈員的情緒，他明白大家有一定的情緒，並自省的確表達得不好。至於今日有報道指，籃球賽當日，AK（江𤒹生）向Anson Lo大發脾氣，不願讓座，令粉絲相當氣結，Anson Lo笑笑口說：「AK當日整親受傷，傷得好嚴重，想大家畀啲空間佢，至於唔真實嘅文字就唔回應喇，因為唔係真事，個場地咁大，我有位咪坐囉，成件事好隨意。」Edan補充指AK因拍劇受傷，再加上球賽上郁動就傷上加傷，幸好已經逐漸康復。

至於剛完成手術的姜濤，Anson Lo和Edan表示都有不斷短訊問候他，Anson Lo說：「每日Whatsapp煩佢，問佢食飯未、痛過咗未，無聊嘢咩都都問吓佢，而家康復中但都需要關心嘅！」Edan笑指平時姜濤很少覆機，但近排改變了不少，實在估佢唔到。

{{hket:inline-image name="101_600.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：黃曉妍
責任編輯：楊安莉