姜濤最少撐拐杖兩個月嘆「很累」 將缺席周五《樂在維港》音樂會

人氣男團MIRROR成員姜濤日前參加藝人籃球賽時扭傷右膝蓋，最後要坐上輪椅送院，事後更要動手術。噚日（15日）手術過後，佢只係上載自拍話「結束了」，不過今日（16日）終於都再有新進展！

同場加映：神之拉闊丨鄭欣宜被嘲揀跳舞歌懷舊勁激動 Anson Lo勁歌熱舞後因胃痛拒訪

{{hket:ul-video id="6993"}}{{/hket:ul-video}}

姜濤今日上載咗一張自己3隻「腳」嘅相，表示自己要撐拐杖足足兩個月，留言：「這兩個月的新朋友＃拐杖」，唔少粉絲都睇到好心痛。撐拐杖唔止令佢出入唔方便，亦影響佢呢兩個月嘅工作，見佢心情似乎唔太好，未知係咪做物理治療情況唔理想，又留言：「很累，慢慢來吧……」

{{hket:inline-image name="102.JPG"}}{{/hket:inline-image}}

不過幸好佢都有一位自稱年近100歲嘅婆婆粉絲為佢打氣，婆婆指自己重病嘅時候，好彩有姜濤做佢嘅精神寄託，更表示自己本身想去睇姜濤嘅演唱會，不過應該有生之年都唔會睇得到，但就入場睇咗佢主演嘅電影5次以示支持。姜濤回覆指自己睇到百感交集，仲好感恩有婆婆嘅支持，又祝對方長命百歲、身體健康！

另外，有消息指姜濤將會本周五缺席《樂在維港 HKGNA 音樂節 2022》。《樂在維港》在11月18至20日於西九文化區藝術公園大草坪舉行，大會邀請格林美獎得主曹秀美來港獻唱，仲有姜濤、關心妍和P1X3L等香港樂迷熟悉的歌手。雖然門票以實名制發售，但反應非常熱烈，再有網上平台提供代購服務，$380門票炒高近一倍。