星光路上丨孫慧雪多次扮死屍獲「屍雪」稱號 獲監製潘嘉德賜有名角色喜極而泣

40歲孫慧雪早前喺TVB台慶劇《美麗戰場》演經理人「琳琳」同家寶設局陷害一言Sir，同埋鬧反骨琪害人終害己嗰一場，令人印象深刻。入行17年嘅孫慧雪曾被封為「宅男女神」，日前接受無綫娛樂新聞台《星光路上》主持人潘盈慧訪問，暢談入行及成長經歷。孫慧雪亦有轉發受訪片段，留言：「衷心多謝阿盈邀請我做呢個訪問，十七年嘅演員生涯，一直走來不易，非常感恩每一位扶持過我嘅人，無盡感激，感謝製作組非常有心，為我剪出對我來說非常難忘的片段！」

{{hket:inline-image name="suen3.jpg"}}{{/hket:inline-image}}

同場加映：神之拉闊丨鄭欣宜被嘲揀跳舞歌懷舊勁激動 Anson Lo勁歌熱舞後因胃痛拒訪

{{hket:ul-video id="6993"}}{{/hket:ul-video}}

孫慧雪憶述當年一邊讀書一邊做記者，有日被星探發掘去做模特兒，後來投考TVB第20期藝員訓練班，主力喺綜藝節目做獎品小姐、《美女廚房》助手「飯」等，孫慧雪一度擔心做綜藝被定型而冇機會演劇。而一心想拍劇嘅孫慧雪，最後也如願喺劇組發展，佢完全唔介意一開始要演死屍，孫慧雪當時希望大家睇到佢捱得嘅一面，佢笑言：「好嘢！我畀人見到我捱到，做死屍做到化妝間同事叫我做『屍雪』。」

而令孫慧雪最深刻一次扮死屍是在《秀才愛上兵》演怡春院名妓梁小蝶，更是是扮死屍最長時間的次，更慘被扔來扔去。孫慧雪憶起這次拍劇經歷：「因為我喺劇中係重要證物，佢哋就係要帶住我呢條死屍周圍去。」

不少演員或會經歷有一段時間冇嘢做的日子，孫慧雪也不例外，因此當時經常出去Casting電影、舞台劇、廣告乜都試吓。皇天不負有心人，有次演舞台劇，孫慧雪終獲監製潘嘉德賞識，更安排她在《On Call 36小時》演護士「碌拎」。孫慧雪得知有角色名覺得好開心，好落力去演。

{{hket:inline-image name="suen13.jpg"}}{{/hket:inline-image}}

在2016年，孫慧雪於首度在劇集《純熟意外》擔任重要角色，她自言這個是人生轉捩點：「收到話做呢個角色，我係喊咗出嚟，到嗰日見導演、編劇同監製坐晒喺度，同我講我嘅劇中故事線，成日見到啟華，你係思貝嘅好友，仲有男友係楊潮凱，我已經等咗好多年，然後佢咁樣同我講，我好似個腦裡面煙花咁，佢哋叫我畀心機，嗰句多謝，我係好衷心。」孫慧雪記得當時離開咗間房，一邊行，一邊感動流淚。

孫慧雪於2016年結婚，翌年誕下兒子Riley，一家三口幸福美滿。自小父母離異的孫慧雪直言自己一直有個心願，希望有一日可以同失散廿年嘅媽咪重聚。佢入行後更一心想尋母：「一直諗點解我撞唔到媽咪，又或者我做呢一行佢應該睇到，我個心成日諗佢睇緊，直至我表哥喺社交媒體搵我，send咗一張墓碑相，話我知媽咪已經走咗…我當時腦海係一片空白，原來我18歲嗰年，我媽咪已經走咗。」 

萬聖節快樂丨孫慧雪cosplay綾波麗余德丞扮毒男 洪永城全家人齊齊扮南瓜應節【下一頁】

撰文：娛樂組

圖片來源：TVB《星光路上》影片截圖