《絕代商驕》經典組合13年後合體 佘詩曼黃子華撐許紹雄囡囡Cafe

剛剛踏入74歲嘅綠葉王許紹雄（Benz雄），2018年決定退休並移居新加坡。2020年初許紹雄打本700萬，予愛女許惠菁（Charmaine）開Cafe做生意，2年間已開3間店，疫情下成績算相當理想，近日更獲香港品牌邀請合作。Benz雄陪囡囡返港，更廣邀圈中好友品嚐囡囡出品，今日更加搵嚟《絕代商驕》拍檔的黃子華同佘詩曼聚舊，勾起網民回憶。

同場加映：神之拉闊丨鄭欣宜被嘲揀跳舞歌懷舊勁激動 Anson Lo勁歌熱舞後因胃痛拒訪

{{hket:ul-video id="6993"}}{{/hket:ul-video}}

Benz雄早前留言：「好多人問過幾時喺香港食到囡囡嘅創作，我哋返咗嚟啦！11月1日至12月底，K11 Musea Artisan lounge見。」之前已邀請過黃子華一次嘅Benz雄，今日再搵埋佘詩曼嚟個三人聚會，留言：「我哋又食啦！」佘詩曼都post出多張美食圖，留言大讚許惠菁嘅出品：「好味。好傾。好耐冇見。」

{{hket:inline-image name="315302553_1101616113885273_8748203502609669069_n.jpg"}}{{/hket:inline-image}}

黃子華、佘詩曼、許紹雄曾合演無綫（TVB）電視劇《絕代商驕》（2009），如今13年過去，三人各有各發展，黃子華主攻電影界，新戲《飯氣攻心》票房衝破7000萬，成為香港首部打破該票房成績的喜劇電影；佘詩曼則北上發展，依然活躍幕前；許紹雄則移居新加坡，與女兒Charmaine開Cafe進攻商界。

三人著上便服歎下午茶，除咗友誼不變，3個個樣都冇咩變，其中以佘詩曼「最防腐」，同13年前一樣咁靚！唔少網友見到呢個組合都召喚佢哋拍《絕代商驕》第二季，又有唔少人立即記得佢哋喺戲中嘅角色「麥提爽」 、「淼淼」同「吉少」，真係相當經典！

《絕代商驕》於2008年9月播出，除了有子華神和佘詩曼主演，仲有許紹雄、李綺虹、謝天華、陳山聰等演員。劇情主要講述自細很有商業頭腦的麥提爽（黃子華飾）憑努力於美國史丹福完成MBA課程，畢業後主動向管理公司主席何問天（張國強飾）自薦成為合夥人，兩人亦師亦友，麥提爽更成為美國商界叱吒風雲嘅狙撃手。麥提爽為公司利益及發展，決定全盤收購問天公司，可惜問天大受打擊，醉酒駕駛跌入海中。爽為此而感到內疚不已，並決心回港照顧問天妻子佘慕蓮（李綺虹飾）。在港期間，爽遇上欠債收數妹林淼淼（佘詩曼飾），兩人成為鬥氣冤家，可惜爽始終不肯接受淼淼。淼淼決定自強，令爽另眼相看，誓要得到爽的歡心。