麥明詩被指多拜拜肉「建議減肥」 回應K.O.網民：而家唔使上電視

「十優港姐」麥明詩（Louisa）喺2019年演藝事業如日方中時選擇淡出幕前，畢業於英國劍橋大學法律系嘅佢轉戰法律界，轉行擔任商業顧問，只係有時接吓廣告同出席活動，睇落都好free！近日，佢喺社交平台分享自己日常嘅時候，被大量網民「點評」佢嘅身材，Louisa就特登開多個post正面回應，有智慧回應得到唔少網民力撐。

同場加映：神之拉闊丨鄭欣宜被嘲揀跳舞歌懷舊激動回應 Anson Lo勁歌熱舞後因胃痛拒訪

{{hket:ul-video id="6993"}}{{/hket:ul-video}}

Louisa早前post出一張日常照，被唔少網民指佢豐滿咗唔少，有人更加批評佢「好多拜拜肉」直接建議佢減肥。Louisa當時並冇回應，不過佢今日就出咗一個post K.O.呢班網民。佢post出一張自己一年前最瘦時嘅相同埋一張近照，留言：「一年前嘅我，的確好瘦 係，今日嘅我，多咗肥肉，有肚腩😌點解？以結果為目標，依家唔使上電視，咪降低咗身型目標囉😇」聰明嘅Louisa都冇倒自己米，加多一句「賣廣告」：「同樣道理，萬一有廣告需要，我都可以好快達到目標㗎。」

{{hket:inline-image name="315316403_828659215039936_3958065944985744850_n.jpg"}}{{/hket:inline-image}}

其實睇相Louisa亦睇唔出有肥，唔少網民都力撐Louisa過自己想過嘅生活，留言：「最緊要健康，仍然好索。」、「我覺得點都好睇！」、「邊個話瘦就係靚？同埋，你而家都仲係好瘦！」、「而家嘅身形好健康。」「自己開心就得唔使理其他人點睇，啲人唔鍾意未唔好睇囉，睇完又要評論都唔知咩心態。」、「而家仲body shame? 幾時先可以尊重吾同人有唔同嘅身體？其實除咗自己，其他人對自己外表嘅標準一概唔重要。」

Louisa嘅朋友許家傑都留言支持：「幸福先會肥㗎，心廣先會體胖。」而Louisa就回覆咗佢一個「殊」（唔好講／秘密）嘅emoji，莫非係有新戀情令到Louisa豐滿咗？

圖片來源：Instagram