對不起幫緊你丨岑樂怡見證無數遺憾小故事變喊包 為《冰上火花》操練：本身識花式溜冰

ViuTV節目《對不起幫緊你》播出三個星期以來，派出的洋蔥實在是以千噸計算，事關每一集的故事人物都充滿經歷，他們對遺憾的剖白，再重修關係，無論主持人還是觀眾，一樣喊作一團。一向正能量的主持人岑樂怡（阿妹）本身是眼淺之人，今次她為多個故事個案完成心願，頻頻難以控制澎湃的淚水，哭成淚人。

同場加映：忽然心動丨AK稱單身太耐拍感情戲硬晒軚 白只讚演技不幼嫩：觀眾會驚喜

{{hket:ul-video id="6977"}}{{/hket:ul-video}}

幫緊你應援團｜Lokman岑樂怡幫情侶搞快閃求婚 搵美女特約埋身測試男方信任度【下一頁】

{{hket:inline-image name="285303005_717956152742869_2726797579066516580_n.jpg"}}{{/hket:inline-image}}

阿妹接受《晴報》電話訪問，她承認拍攝過程中已經努力忍淚，「大家都知道每個個案都唔簡單，有啲好沉重、有啲好感動，拍緊嘅時候比電視出嚟嘅效果係八倍大，因為我認識咗事主，而且面對面見住佢哋！不過拍緊嘢，我要繼續講說話，鏡頭前又唔可以喊得太肉酸！最慘係我平時係超易喊嘅人，所以都控制得好辛苦！」

阿妹表示在上一季《幫緊你後援會》跟MIRROR的Tiger（邱傲然）、Alton（王智德）和Lokman（楊樂文）合作，同樣幫助不少個案人物，但今次《對不起幫緊你》添加了「對不起」的元素，「大家遇到後悔嘅事，我哋要將佢嘅遺憾補圓，兩季雖然有少少分別，不過重點都係想幫香港人，令佢哋嘅愛同感受可以表達出嚟！」」她認為兩季的節目除了感動到主持外，亦見到不少觀眾同喜同悲，正正是今時今日香港人需要的能量。

幫緊你應援團丨Ian驚喜向玻璃骨女fans送暖 ViuTV高層魯庭暉大讚：好心地【下一頁】

{{hket:inline-image name="01a_193582493463034a62851df.jpeg"}}{{/hket:inline-image}}

對於有傳阿妹將會參演ViuTV新劇《冰上火花》，跟陳卓賢、楊樂文正忙於操練中，阿妹說：「劇集官方未公開講，好多資料都唔方便回應，不過我的確練習緊冰上曲棍球。本身我識溜冰，細個玩花式溜冰玩咗八年，有咁嘅根基去學冰上曲棍球就會容易啲！見到其他演員好多都係由零開始練習，真係好佩服佢哋，大家都努力練習中！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉