MIRROR演唱會意外丨Alton事後首受訪AK拒睇心理醫生 Lokman扶持成員：去唔返原本狀態

男團MIRROR成員楊樂文（Lokman）、江𤒹生（AK）、王智德（Alton）與邱傲然（Tiger）到觀塘出席主演劇集《繩角》記者會。四子形容心情已比早前放鬆，但要完全癒合仍需漫長時間。劇集緊接《季前賽》推出，四子都有信心「接得住」聲勢，更豪言收視理想再除衫。

同場加映：忽然心動丨湯洛雯首次拍電影七日起貨嗌爽 栢天男演出租男友堅食蟲？

{{hket:ul-video id="6937"}}{{/hket:ul-video}}

Lokman與Alton自演唱會意外後首次出席公開活動，被問到心情如何？Lokman說：「心情好好多，都幾個月時間自己去梳理，係時候重新出發，回復正常生活。」而Alton則說：「慢慢適應，而家拍攝見到大家就好好多。」身為隊長的Lokman被問到如何跟隊友溝通，他表示：「初頭都會問，見面就傾吓偈，關心大家心理為主。困難一定有，我會好啲，唔會畀自己停喺一個情緒上。」AK則說成員間會在群組傾偈，都知道大家各自用自己方法度過這段時間。

{{hket:inline-image name="4.jpeg"}}{{/hket:inline-image}}

Alton則坦言很想關心意外事件，但怕過分關心帶來壓力，反過來要大家幫他處理，AK亦認同表示：「好怕問候會勾起大家唔開心回憶，所以點到即止，自己都想靜吓，會設身處地去諗。」四子都表示互相攬一攬、拍一拍膊頭已是最足夠的鼓勵。AK事後情緒比較低落，Lokman表示會主動與對方閒聊，可以放鬆一點也能抒緩一下：「發生一件咁大嘅事，已經唔會去返原本狀態。」

AK認為這一課最重要是學習與傷痛共存，日前他出席《打天下2》開鏡時被發現消瘦不少，他說：「身體OK，塊臉冇咁肥都係好事。（張敬軒提出心理幫助大家有參與？）公司都有安排，知道軒仔心意，大家都收到很多謝佢，不過我就唔想睇醫生，睇醫生感覺似有病，我會搵Lokman傾。而家身體上需要（睇醫生）多啲，因為最近同虎仔（Tiger）打得太勁，腳同腰都痛！哈哈！」提到將為《季前賽》接捧，可有信心撐起收視？Lokman笑說：「相信我哋撐得住，你見我哋衫都唔着就知！」收視好Lokman仲唔介意「除多啲」：「都冇拍劇嗰時咁Fit，不過都應該試吓誇下海口，AK應該可以！虎仔都可以，佢一操就大隻。」虎仔嘅旁邊默默點頭表示OK。

林愷鈴（Ashley）在劇中和AK演情侶，今次亦是Ashley第一套劇「出街」，她表示有點壓力：「覺時有啲地方可以做得更好，好彩角色嘅設定都同自己好相似，都係喜歡音樂，係個外剛內柔嘅人；至於親熱戲，就留畀大家睇劇集嘅時候去留意啦。」Ashley被問到與AK演情侶，可會擔心「生粉（AK fans）」呷醋？她表示完全不擔心，相反在拍攝過程中，「生粉」很幫手:「佢哋好有禮貌又錫偶像，因此拍攝過程中都冇諗fans係咪鍾意或討厭自己。」

蘇麗珊於劇中沒有感情線，仲非常冷酷同冷血，對其他人漠不關心：「佢哋打得越激烈我就越開心。又覺得死傷好正常，甚至出計謀去令到佢哋自相殘殺。（擔心角色好討厭？）我並唔太擔心，有人討厭自己嘅角色代表演得好。（見鏡仔赤膊打拳覺得好澎湃？）哈哈！我嘅澎湃反而係睇到佢哋打拳咁激烈。」