周星馳親回星級「小粉絲」阿Sa 蔡卓妍冧到暈最愛呢兩個角色

唔少香港人都係睇周星馳電影大，儲落好多「星迷」嘅星爺早前開通社交平台帳戶即引起哄動，佢更揚言會親自「揀人」，令粉絲更加莫名興奮。日前有一位星級影迷留言，獲得星爺開金口回覆。

同場加映： 下流上車族｜鮑起靜樂做銀髮族跟發哥學慢跑 拒跟女兒移民英國與老伴留港度餘生

{{hket:ul-video id="6929"}}{{/hket:ul-video}}

{{hket:inline-image name="46453d69226c3b6d5f2cb2bcbc23f496.jpg"}}{{/hket:inline-image}}

周星馳早前於社交平台留言，問大家最想於元宇宙見到邊個電影角色，蔡卓妍（阿Sa）一向係周星馳忠粉，曾揚言睇過對方每部電影最少20次，阿Sa即表示最想睇到《逃學威龍》嘅「周星星」及《大內密探零零發》嘅「零零發」，偶像周星馳回覆：「好久冇見，幾時得閒一起食碗糖水。」阿Sa即時非常激動，興奮留言：「哇！偶像覆我！我暈喇！」唔少人都表示羨慕，希望星爺都可以覆吓佢哋咁話。

原來周星馳同阿Sa早有淵緣，早年女方曾於糖水舖巧遇偶像，不過當時佢懵然不知，到佢埋單時，獲老闆告知周星馳請客，佢先知對方曾經喺店內，即「揼心」錯失機會同偶像打招呼，非常可惜。今次偶像記得呢個多年前嘅「糖水緣」，小粉絲阿Sa唔知會幾多晚瞓唔着呢？