遇上好外傭丨林盛斌「投訴」餅印姐姐太勤力 吳若希工人在家中地位最高

不少香港家庭均聘請外籍傭工幫手打理家務，或照顧家中老幼；尤其藝人工作時間不定，工人姐姐更是他們家中的核心成員。不過，有些工人姐姐經常發生搞笑事，有些固然令僱主頭痛，但更多是帶來不少歡樂。

同場加映：下流上車族｜關曜儁疫市擲六位數第三度開健身室 三十而立背負養家責任兼顧演員夢

{{hket:ul-video id="6868"}}{{/hket:ul-video}}

{{hket:inline-image name="bob1.jpg"}}{{/hket:inline-image}}

育有四名子女的林盛斌（Bob），自然要聘請工人姐姐幫忙照顧子女及做家務。Bob有感姐姐工作辛苦，不過工人姐姐本身非常勤快，努力的程度竟令Bob反過來要求她不要只顧工作。他笑說︰「工人姐姐通常星期日放假，佢放假當然唔使做家務啦，但佢夜晚一返到屋企，又會自動自覺做家務。我同佢講真係唔使做家務，但係佢覺得唔緊要，佢真係好好。」

{{hket:inline-image name="bob.jpg"}}{{/hket:inline-image}}

Bob表示，疫情前不時邀請朋友到家中聚會︰「通常我同姐姐講會玩到好夜，叫佢唔使等我，但每次聚會完咗，姐姐都會主動出嚟清潔。」身為僱主的他亦相當識做，適時給姐姐獎勵。最搞笑的是Bob跟工人姐姐感情要好之餘，樣貌亦相似得如倒模一樣，他曾po合照道︰「佢（姐姐）係我阿妹？似唔似樣呀？」

湯盈盈：姐姐安心出行無「離開」

{{hket:inline-image name="294368027_3256880184590532_2666125721051949604_n.jpg"}}{{/hket:inline-image}}

{{hket:inline-image name="308055192_6041070112576222_984359954635772885_n.jpg"}}{{/hket:inline-image}}

湯盈盈向來傻更更，想不到她的工人姐姐亦是烏龍王。事緣工人姐姐要換領新身份證，盈盈形容姐姐平日十分醒目，加上換領中心離家不遠，於是放心讓姐姐獨自辦理換證手續，誰知弄出笑話！

盈盈笑謂︰「嗰日工人姐姐去換證，好快返屋企，仲話十分鐘搞掂！點知後來佢收到短訊，話換領中心有人中招（染疫），所以佢要強檢。但我哋check咗確診者逗留時間，姐姐已經離開，點解要強檢呢？原來佢離開嗰陣唔記得喺安心出行度嘟『離開』，我即刻同佢講『forgot to press（忘記撳掣）』，但都無辦法，唔記得就係唔記得，姐姐都要去做檢測。」盈盈自爆「有口話人，無口話自己」，及後她外出時也試過忘記按「離開」，她笑言可能跟姐姐相處太久，感染對方的「大頭蝦」。

吳若希︰姐姐地位高過老公

{{hket:inline-image name="301857554_3207983789458196_317718935500895347_n.jpg"}}{{/hket:inline-image}}

{{hket:inline-image name="279011920_1414546138998640_189516794417869217_n.jpg"}}{{/hket:inline-image}}

吳若希（Jinny）家中的菲傭已跟隨她多年，賓主關係融洽，連Jinny兒子Kylian都視工人姐姐如媽媽一樣，令Jinny一度呷醋。「一開始個仔都唔認我，又唔畀我抱，係疫情下對得多先好番啲。」Jinny笑言姐姐在家中地位最高，平日家中大小事務都由姐姐話事，買東西也是由她拍板，Jinny笑言只有出糧給姐姐時，才會「醒覺」自己是僱主，連老公Alex的地位也及不上姐姐。

Jinny大讚工人姐姐對小主人十分愛錫︰「囡囡今年五歲生日，姐姐放假都帶我個女出去玩，又用自己份糧買禮物畀佢，仲花心思布置到成間房都係氣球。」她自覺遇到這位工人姐姐十分幸運，亦視對方如家人一般。

採訪：黃寶蓮