中招新冠肺炎丨Coffee與老公困獸鬥168小時 感情升溫：是我想要走到最後的人

林芊妤（Coffee）近年由藝人轉做瑜伽導師，更發展多瓣生意，百足咁多爪成為唔少女士嘅奮鬥目標，非常多Fans！不過人紅都多是非，Coffee不時都成為網民嘅攻擊目標，但心態正面嘅佢就好睇得開，原來正面背後都靠家人支持，早前佢就發文多謝老公（翟志榮）同仔仔，指佢哋係佢「最強嘅快樂後盾」。日前Coffee同老公一齊確診新冠肺炎，佢都不忘大曬恩愛！

同場加映： 娛樂 • 下流上車族丨羅毓儀出道兩年機會不斷感幸運 靠動漫鼓勵望努力彌補童顏缺點

{{hket:ul-video id="6883"}}{{/hket:ul-video}}

Coffee囝囝同家傭姐姐日前咁啱離開咗屋企，不幸中之大幸得Coffee同佢老公「中招」！Coffee同老公「久違」獨處，二人「困獸鬥」隔離168小時，不過竟然令佢意外發現「不能沒有翟志榮」！

{{hket:inline-image name="297061867_1201650170657488_7402273468243500483_n.jpg"}}{{/hket:inline-image}}

Coffee post出多張同老公喺隔離期間大玩高難度雙人瑜伽嘅相，閃爆留言：「上星期我跟老公說覺得自己需要休息一下，然後剛好第二天
他外國公幹回來後告訴我『他中了😀……』。幸好前一晚彥彥（囝囝）和姐姐都不在家，所以叫他們留在家人住所暫時別回來，而我就在家裏照顧老公。這星期當然是十分想念兒子啦，還經常發夢夢見他，但回想起這四年來的日子，也沒有跟老公二人獨處那麼長的時間，而這星期的24小時相處，令我又更肯定他是我想要走到最後的人！我們的相處也太自在了，無論發生甚麼事，感覺有他在身邊也是快樂的。」

疫下唔少夫妻對得太多都搞到「家嘈屋閉」，Coffee同老公獨對咁耐反而感情升溫，真係非常難得。有人叫佢哋把握囝囝唔喺屋企嘅機會努力「造人」，唔少網民睇到都話好羨慕，留言祝福:「也太幸福了吧！」、「我睇呢個post睇到眼濕濕！」、「好sweet好閃呀喂！」、「找到一個讓你自在的身邊人不容易。」

圖片來源：Instagram