愛回家丨阿壯久罕出Pool兩女一男點揀？ 焦浩軒：角色已經拍過10次散拖

處境劇《愛回家之開心速遞》中，角色人物之間的感情瓜葛向來是觀眾相當關心的一環，阿壯（焦浩軒 飾）是島大「失戀王」，畢業後與風少（陳浚霆 飾）、朱凌凌（吳偉豪 飾）同居，三個單身寡佬恨出Pool（大學潮語，意指有拖拍）恨到出晒面。昨晚一集，阿壯終於成功出Pool，仲一晚有三條感情線，非常好艷福！

同場加映：下流上車族｜關曜儁疫市擲六位數第三度開健身室 三十而立背負養家責任兼顧演員夢

{{hket:ul-video id="6868"}}{{/hket:ul-video}}

愛回家丨阿壯率吉宜屋兄弟姊妹搞喪禮 Rap住抬棺神還原黑人網絡影片【下一頁】

{{hket:inline-image name="sky1.jpg"}}{{/hket:inline-image}}

{{hket:inline-image name="313467270_448901337376001_2990689819136344053_n.jpg"}}{{/hket:inline-image}}

本集「情路山旮旯」其實是向電影《緣路山旮旯》致敬，講到香港情侶之間最遙遠的地理距離，阿壯讀書年代跟住得好遠的女朋友拍拖，結果出現意外，要由屯門行路返葵涌，留下深深的陰影，長大後都不敢跟住得遠的女仔拍拖。阿壯喺老友風少、朱凌凌的鼓勵下，追求嘉慧（莊易羚 飾），兩人情投意合，當他送女方回到上水屋企之後，再返港島，一來一回路程極遠，更遇上可怕的小巴司機（李偉霆 飾），又超速又瞌眼瞓...阿壯買二手車親自接送嘉慧，沒想到瞌眼瞓發生車禍，女方臉頰受傷令兩人關係搖曳而止。

隨後，阿壯跟尋寶圖的Heidi（關嘉敏 飾）發生感情，兩人是街坊，住隔籬街，屋企房間的窗口可以互望，起初非常甜蜜，但久而久之，Heidi不斷監視男朋友的一舉一動，令阿壯大感困擾。劇情尾聲反高潮，阿壯想念住在上水的嘉慧，原來小巴司機都一樣掛住阿壯，一次過四角戀，實在夠晒複雜。

焦浩軒接受《晴報》電話訪問，對於阿壯一出Pool就有兩女一男感情線，他表示：「原來我角色已經拍咗十次散拖！所以監製想我有少少改變，嚟緊感情線發展會同Heidi，星期六嗰集有下文，唔肯定將來會唔會寫我同嘉慧。咁啱兩個女仔（莊易羚、關嘉敏）外型都差唔多，係咪監製特登安排？佢兩個都好高呀，一穿埋高踭鞋，我即刻冇晒自信！至於今次個靚仔小巴司機（李偉霆），係監製、導演嘅意思，估唔到剪出嚟效果的確好搞笑！」

愛回家丨島大畢業後再有新「創業線」發展 阿壯與MT們齊齊劈炮出走接龍【下一頁】

{{hket:inline-image name="313313432_524342689191644_1502357970880778352_n.jpg"}}{{/hket:inline-image}}

{{hket:inline-image name="313916081_855450822305316_1912054967918302353_n.jpg"}}{{/hket:inline-image}}

{{hket:inline-image name="314019731_173568691937879_7535048593465907041_n.jpg"}}{{/hket:inline-image}}

{{hket:inline-image name="313844841_100268169560091_1389903247842070429_n.jpg"}}{{/hket:inline-image}}

焦浩軒笑言自己住九龍區，曾經有位前度女友住元朗，「我又唔覺得痛苦，香港真係太方便。我諗起加拿大讀中學嗰陣就住學校隔籬，放lunch都可以返屋企食飯，反而上大學時，外國冇香港交通咁方便，日日都要用兩個鐘頭轉幾次車先返到學，來回都要四個鐘，而家覺得喺香港好幸福。諗起都好正，就係搭巴士嗰兩個鐘冇嘢做好悶，強迫我要讀書溫書，先可以將勤補拙讀好書。」

{{hket:inline-image name="sky16.jpg"}}{{/hket:inline-image}}

{{hket:inline-image name="sky5.jpg"}}{{/hket:inline-image}}

另一方面，莊易羚是童星出身，是韓團CLC前成員莊錠欣的家姐，現時是無綫娛樂新聞台的外景主持。不少網友對她演出都有讚無彈，希望她可以繼續留低客串。而關嘉敏加入《愛回家》短短時間已經有感情線，早前她在《美麗戰場》演丁子朗、陳曉華之間的第三者，性感演出僅穿內衣，衰格搶人男朋友，被網友狂鬧，觀眾睇得好入肉。至於李偉霆是中國/馬來西亞混血兒，加入邵氏兄弟三年時間，他是運動健將，有健碩身材，曾參與英國全國跆拳道比賽，負腳傷上陣仍然勇奪銀牌。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉