亞洲電視大獎︳馬德鐘黃宗澤入圍爭最佳男主角 林夏薇李施嬅角逐女主角獎

《第27屆亞洲電視大獎 Asian Television Awards》公告今年入圍名單，馬德鐘、Bosco黃宗澤憑《飛虎3壯志英雄》角逐「最佳男主角」，同劇蔡潔則入圍「最佳女配角」；林夏薇、李施嬅分別以《七公主》、《金宵大廈2》提名「最佳女主角」，得獎結果將於12月揭曉。

{{hket:inline-image name="1.jpg"}}{{/hket:inline-image}}

{{hket:inline-image name="IMG8368.PNG"}}{{/hket:inline-image}}

同場加映：季前賽丨張繼聰掹車邊拍偶像劇感無憾 由凍拍到熱：有種共患難感覺

{{hket:ul-video id="6808"}}{{/hket:ul-video}}

馬德鐘正拍攝TVB《再見．枕邊人》，對於入圍喜訊，他說：「感謝！多謝各方喜歡展博文（飛虎隊警司）呢個角色，更加開心係一套劇兩名男主角入圍。唔知最後結果會點。能夠入圍，對我同Bosco嚟講，係對演員付出嘅一種肯定！」

Bosco今年有攞獎運，年中憑劇集《非凡三俠》獲《紐約電影電視節2022》頒發「最佳男主角」優異獎。對於再入圍競逐最佳男主角獎項，他表示以平常心面對，「好開心又有提名，好多謝邵氏，成日有啲咁大型嘅製作，令我哋有機會參加呢啲國際盛事。但十劃未有一撇，有咁多犀利對手。」至於蔡潔感意外又開心，「冇諗過會入圍，對我嚟講係個肯定，好大鼓勵呀，好榮幸可以參與拍攝呢套劇。」

飛虎3壯志英雄丨混血打女何慈茵演沛國流亡公主 首集型爆搶鏡 爸爸何麥大有來頭【下一頁】

林夏薇去年憑《七公主》顧語嫣一角榮升TVB視后，這次再以同一角色入圍，外界睇高一線。薇薇說：「呢個角色係我入行以嚟最大最大嘅挑戰，自己又好鍾意嘅呢個角色。入圍梗係開心，最希望都係唔同地方嘅觀眾都鍾意呢齣劇。」

李施嬅經驗豐富，第三次提名這個頒獎禮「最佳女主角」，她說：「好鍾意《金宵大廈2》，能夠提名好有意義，因為唔會再拍續集，所以覺得係完美ending！」

（↓點擊放大睇圖片↓）

《亞洲電視大獎》始於1996年，由新加坡的廣播電視周刊《亞洲電視》創辦，經過多年的發展，獎項內容囊括新聞、專題、包括紀錄片、娛樂性節目、音樂類節目、綜藝類節目；甚至細分到戲劇類、電影類、電視劇類以及個人獎項。受疫情影響下，頒獎禮在兩年後再次以實體形式舉行。

撰文︰娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】