許廷鏗組公司獲吳林峰助過難關 「呢份情義令我有陪伴嘅感覺」

許廷鏗（Alfred）與吳林峰將於11月18日假灣仔會展舉行《Music From Home 許廷鏗 X 吳林峰音樂會》，二人希望今次藉音樂會主題「Music From Home」，帶出另一種家的體會。Alfred說：「近年因為疫情關係，好多朋友離開咗呢個地方，亦有可能有人計劃緊飛走。我想將屋企嘅定義拉闊啲，希望當晚入嚟睇嘅觀眾諗住『咩係屋企？』，然後透過我哋嘅歌曲會有唔同嘅體會。」

{{hket:inline-image name="MFH7.jpg"}}{{/hket:inline-image}}

{{hket:inline-image name="MFH5.jpg"}}{{/hket:inline-image}}

同場加映：季前賽丨張繼聰掹車邊拍偶像劇感無憾 由凍拍到熱：有種共患難感覺

{{hket:ul-video id="6808"}}{{/hket:ul-video}}

Alfred與吳林峰為音樂會聯手炮製新歌，前者負責填詞、後者則作曲，並在音樂會上首次公開演唱。吳林峰坦言一直渴望寫一首歌與對方合唱，希望「借歌敬fred」來感謝這位伯樂，他說：「真係好多謝佢畀咗好多力量我，如果當時Alfred冇用到我首歌《雪糕》，可能我冇動力再寫落去，我會選擇去做社工，同小朋友唱吓歌就算。所以對於努力緊嘅人嚟講，一份信任真係好重要。 」

Star Talk丨許廷鏗暗示難料與胡鴻鈞只限同事 「以為好穩固嘅關係失去咗」【下一頁】

其實Alfred與吳林峰相識之際，音樂事業亦不約而同遇上難關，他指當日計劃自組公司時，獲吳林峰第一時間不計酬勞，自薦為他寫歌，「吳林峰嘅存在令我冇咁孤單，呢份情義令我有陪伴嘅感覺，所以你我之間好難計算。」Alfred更重提吳林峰當日在頒獎台上獲得作曲人大獎時，竟然花了很大篇幅來答謝他，「仲記得我當時已經喊到不似人形，坦白講佢成日覺得我好好，但調轉返，一個等咗咁多年、咁重要嘅獎，佢第一個多謝唔係自己、唔係屋企人，而係多謝我……我覺得係一件好無私嘅事，所以我真係好感動，可能呢個亦係我咁錫佢嘅原因。」 

（↓點擊放大睇圖片↓）

吳林峰希望趁今次開騷突破自己及克服「童年陰影」，透露求學時揀選了Alfred的《螞蟻》參加歌唱比賽，可是被歌唱老師叮出局，「我有次喺K房唱完《螞蟻》，好多朋友都話好聽，話我把聲好似Alfred，我就自信滿滿揀咗呢首歌去參加比賽……點知最後唔係輸咗咁簡單，係入唔到圍，自此之後我就好唔鍾意呢首歌，哈哈！」他預告會在音樂會上及原唱者面前，重新挑戰《螞蟻》，還邀請當年把他淘汰的歌唱老師入場欣賞，誓要一雪前恥。

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】