就是青春｜高晨維身經千戰做多個選秀節目導師 望傳承亡父教訓：皇天不負有心人

曾是歌手的唱歌老師高晨維（Cleo）一手提攜炎明熹踏上音樂舞台，經驗豐富的她不但曾訓練多位《聲夢傳奇》學員，更曾任《全民造星》、《肥美人》及《就是青春》數個本地大型選秀節目參賽者的歌唱指導。今天（24日）是她的38歲生日，她趁著這一天在IG抒發近年做導師的感受。

{{hket:inline-image name="270149848_294251882653624_4464907805733139049_n_600_600_600.jpg"}}{{/hket:inline-image}}

同場加映：美麗戰場丨劉佩玥唔認嘈圈中揀朋友要挑剔 陳曉華忽略閨密喊住道歉挽回

{{hket:ul-video id="6812"}}{{/hket:ul-video}}

高晨維表示這幾年來的她身經千戰，因為她為不同電視台的選秀節目都做過歌唱指導，「對於我嚟講，都係一個好好嘅挑戰同學習過程。呢幾年嚟為咗比賽，為咗盡力確保大家每一次演出達標，我確實付出咗難以想像嘅時間、心力、甚至健康等。」

{{hket:inline-image name="312390355_426238976391623_2317399297522271578_n.jpg"}}{{/hket:inline-image}}

她憶述去年《聲夢傳奇》節目令她感受甚深：「第一次咁深深感受同一集入面，最高分又係自己學生，out嘅又係自己學生，我要點樣去面對？嗰頭興奮不已，嗰頭又悲傷不已。陪伴喺佢哋呢個過程，令我哋建立堅不可摧嘅感情深度，但同時，作為老師每一次要堅強地、忍著淚地去為佢抹去淚水，呢種心情，又有幾多人明白？但係作為老師要同學生最重要培養嘅，係一個好心態！勝敗仍兵家常事，勝出固然開心，失敗了又如何？」

在高晨維未夠二十歲時，其父親與世長辭。不過亡父的教導仍長留高晨維心中，她亦希望藉此勉勵她的學生們，「我記得大概十四歲時，有一次比賽幾乎全場都估我一定攞冠軍，當時嘅我亦都曾經試過心高氣傲，以為自己真係無可匹敵。當晚攞住亞軍嘅獎盃返到屋企，我無出聲，如常咁坐埋飯枱食飯，爸爸平淡從容咁對我講咗以下呢一番話：『女，每個人嘅一生要面對好多次成功、好多次失敗，而如果你係一個大將嘅話，你所需要面對同承受嘅成敗得失仲會比其他人難以想像地多更多！世上好多事情都好難客觀，主觀嘅居多，所以，裝備自己時要盡全力，接受結果時要放大心胸，以大將之心養成大將之風，以堅毅勇敢之心在不完美中力臻完美！外面公唔公平係別人嘅選擇，但係我哋自己一定要學習球王比利一樣，不犯規不出貓！受委屈嘅時候總會有，但仍然能夠忍耐、能夠保持一顆正面無懼嘅心走下去嘅人，終有一日皇天一定不負有心人！』」

高晨維指爸爸的說話一直陪伴她的人生高低起跌，更表示想起爸爸嘅話，眼淚都忍不住流下來。她希望把爸爸嘅話傳承下去，更與學生說：「加油！唔使驚，老師喺大廳！」

炎明熹被爆最愛在天台看海發呆 高晨維大宅變歌手育成秘密基地【下一頁】
 

圖片來源：IG圖片、節目截圖