奇異體質？︳港媽聲稱每次游水體重激減10幾磅 網民爆笑解構離奇真相

游泳不但會運動到身體上幾乎每一寸肌肉，而且能增強肺活量等，對維持健康體魄或減肥都有幫助。不過，一名港媽在在網上討論區上發帖，指自己每次游泳45分鐘後，體重都會立即大跌10幾磅，但隨後又會慢慢回升。對於事主的「奇異」體質，不少網民紛紛搞笑地解構離奇真相，有人笑言：「擺咗個磅係水底磅？」

同場加映：

Healthy Life｜90後港女捱苦闖韓學美容 拆解2大關鍵養出韓妹水光肌

{{hket:ul-video id="6769"}}{{/hket:ul-video}}

該名港媽周二（18日）於網上討論區「親子王國」發帖，指自己「游完45分鐘水後體重輕10幾磅」，但體重隨後會慢慢上升返，

「下次游完又係咁，係咪水腫問題好嚴重呢？大家有無類似經驗？」

不少網民對此「嘖嘖稱奇」，有人詢問事主其實會否只是「個磅壞咗」。不過，事主卻回覆指，已試過在3個不同場地發生同類事情，「我第一次嘅反應就係覺得個磅壞，所以唔理。但轉過幾個場都係咁。診所啲磅我由細用到大。」她又指出，雖然每次都即時輕了10幾磅，但「外型上無乜大變化，只係肚腩細咗」。

對此，一眾網民難以相信事主的「奇異」體質，連番詢問「咪連褲都甩」、「游完水連衫都冇得著，要帶齊兩個size（尺寸）」、「游多十幾次，要麻煩救生員執返棚骨上嚟」；同時，網民們又紛紛爆笑地嘗試解構「游完45分鐘水後體重輕10幾磅」之謎，除了有人認為事主可能「唔識睇磅」，游水前著衫和手袋上磅、游完只著泳衣上磅外，有人甚至笑言：「除咗遇上大白鯊，我諗唔到有咩原因，會游完水輕到十幾磅！」

游泳可消耗熱量保持健康體重

做運動除了可減肥外，亦可加強體魄，令身心更健康。根據康樂及文化事務署（康文署）資料顯示，體能活動對健康有莫大益處，體能活動量越高，體質便越理想；相反，體能活動量不足，體質會隨着年紀增長轉差。體能活動有助降低患上一系列非傳染病風險包括糖尿病、高血壓、心血管病、中風、部分癌症（例如大腸癌）和抑鬱症。

儘管生活忙碌，也應培養恆常運動的習慣。運動種類繁多，大家可按個人興趣，選擇喜愛的運動。其中游泳屬心肺耐力鍛煉運動，可促進血液循環，增強心肺功能；消耗熱量，有助保持健康體重；減低患上慢性疾病和部分癌症的風險；紓緩壓力。

運動好處+各運動適量進行時間

跟據衞生署資料顯示，在每星期大多數日子抽空做適量運動，並持之以恆，可在以下各方面改善健康狀況：

 以下為適量運動的實際例子：

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

每朝索取《晴報》：精明生活．健康家庭．開心娛樂