吳毅將捶胸頓足獻唱《中國人》 婚宴似投長紅網民代入：江湖味濃

吳毅將鮮有喺香港出現，好早期已轉往內地發展，不時拍劇、登台，非常受歡迎。早前佢獲邀擔任婚禮表演嘉賓，獻唱飲歌《中國人》，不過佢嘅表演同現場格格不入，引起網民熱烈討論！

同場加映：炎明熹被爆最愛在天台看海發呆 高晨維家變歌手育成秘密基地

{{hket:ul-video id="6752"}}{{/hket:ul-video}}

日前有網民分享咗一段吳毅將當日表演的影片，片中所見，現年61歲嘅佢身穿黑衫黑褲喺台上獻唱《中國人》，戴上粗頸鍊，江湖味濃，唱起歌嘅時候浩瀚激情，中氣十足，又喺台上捶胸頓足，隔住個mon都感受到佢魅力激射！

{{hket:inline-image name="1.JPG"}}{{/hket:inline-image}}

吳毅將「先天」就係一個粗獷型男，唔少人都話佢似足以往飾演嘅黑道中人，表情肉緊相當有戲，網民留言：「你似踩場多過祝福喎」、「這位大哥出現在喜慶場合像是去鬧事的」、「是要搶婚嗎」、「為甚麼不唱情歌」、「感覺像台下有一堆蠱惑仔等投長紅」。

吳毅將嘅健碩身形加上大眼濃眉殺氣十足，1990年代拍過唔少三級片，更多次飾演黑社會大佬、變態色魔等人物。當中他在《弱殺》中飾演一個強姦弱智人士嘅變態佬，至今觀眾仍印象深刻。近年佢「洗底」甚少演奸角，反而多演慈祥爸爸角色。

撰文：黃蘊姿