港女野人丨TVB小花被指搭上富三代鍾培生 陳若思爆秘密甩身：佢籌備緊結婚

《港女野人》嘅陳若思（Amber）選香港小姐出身，早前有人不停於社交平台各個帳號留言，指佢被城中有名嘅「筍盤」鍾培生包養。鍾培生雖然曾經回應，不過傳聞依然甚囂塵上，日前Amber就首次為自己澄清。

同場加映： 美麗戰場丨蔣家旻曾為演好角色受壓爆濕疹 學懂放鬆喜迎「反骨琪」咒罵聲

{{hket:ul-video id="6775"}}{{/hket:ul-video}}

日前陳若思（Amber）出席TVB節目錄影時，表示雖然認識鍾培生，但二人就未曾拍過拖。佢指由選美嘅時候開始已經有好多人話佢同鍾培生曾經拍拖。由於佢曾經喺電競公司工作，所以同鍾培生認識咗一段好長時間，亦喺好多電競場合一齊出現，所以好多人都會誤會。

佢指二人由大約在2015年認識，直到鍾培生的HK E-Sports成立，熱衷於打LOL嘅佢就被鍾培生邀請加入電競女子隊：「嗰時我都有做直播打機同埋gamegirls，所以關係比較close，關係只不過係上司同下屬，冇拍過拖。我覺得由我由HK E-Sport開始，因為佢身邊都好多女仔，而我又係啲好少少嘅女仔，呢啲傳聞就特別多。」

{{hket:inline-image name="307244433_193473763041608_1211955544496233382_n.jpg"}}{{/hket:inline-image}}

至於問到鍾培生有冇追求過佢，Amber就表示：「應該係話佢追過好多女仔，但係如果我同佢拍拖關係就會好尷尬，因為返工其他人會見到。我覺得佢嗰啲追又唔係，只係口花花講笑，唔係追。」佢覺得鍾培生只係當自己係妹妹，佢話：「朋友關係，私底下一班人食飯一定會，high-tea就會，但係去酒店或者其他地方就唔會囉。傳聞已經唔係新鮮事。」

Amber離職電競隊後，兩人已有多年冇見，只係年初新聞傳出有互通WhatsApp問候幾句，佢更大爆對方準備「封盤」：「據我所知，佢應該係籌備緊結婚，唔係啲咩特別事，熟佢嘅人都會知。」鍾培生方面就透過公關回覆：「（同Amber）係舊同事，五六年冇見。」