下流上車族︳鮑起靜爆林敏驄唔跟劇本玩即興 同林穎彤相隔20年再合作拍劇

由林敏驄、江美儀、鮑起靜、郭柏妍、羅毓儀、林穎彤及袁文傑等，合演的無綫新劇《下流上車族》於今晚首播。劇中鮑起靜飾演性格古怪的老人家，同處男拍劇的林敏驄是「母子」關係，二人有不少對手戲。鮑姐直言初期拍攝被阿驄搞到頭都大，經常不跟劇本爆肚，完全接唔到對白。

{{hket:inline-image name="10171001.jpg"}}{{/hket:inline-image}}

{{hket:inline-image name="10171002.jpg"}}{{/hket:inline-image}}

同場加映：美麗戰場丨蔣家旻曾為演好角色受壓爆濕疹 學懂放鬆喜迎「反骨琪」咒罵聲

{{hket:ul-video id="6775"}}{{/hket:ul-video}}

鮑姐接受TVB娛樂新聞台訪問時表示：「你知驄哥做慣Talk Show嘅人，好多即興嘅嘢，好多冇跟劇本講嘅gag或者笑料，初時我哋都唔知點應對，又唔係劇本啲嘢，慢慢習慣之後個個識得應對佢，哈哈！」至於今次不再演慈母，她說：「劇本寫呢個婆婆好得意，驟眼望落去真係好乞人憎，我自己睇劇本都覺得好笑，心諗有冇個咁乞人憎嘅婆婆？但係佢乞人憎得嚟，實情係有啲原因，好多老人家獨居係好寂寞，好想有人注意或者做啲嘩眾取寵嘅事，等人哋關心吓佢。今次角色曾經結過2次婚，第二個老公就係林敏驄老竇，因為『老小三』嘅問題引起一啲誤會。」

下流上車族｜林敏驄爆喊道盡港人上車悲歌 為劇集作曲填詞 邀《聲夢》學員合唱【下一頁】

阿驄很開心今次同鮑姐、江美儀合作，「戲入面我叫車志明，本來係一間超市嘅經理，之後同啲老友去創業……我係第一次拍劇，初初以為好辛苦，咁多年冇拍劇就係驚辛苦，要捱更抵夜，呢套劇就好好，唔使凌晨3、4點後接朝早6點。同美儀姐、鮑姐合作係最好玩，因為佢哋好戲，變咗我做少少、佢又會做少少，你做多啲又激發佢肉緊啲，出嚟係好正。其實今次齣係想帶出一家人嘅親情，係好窩心，好感人。」

（↓點擊放大睇圖片↓）

此外，今次不單止鮑姐唔再做慈母，林穎彤亦不再演乖乖女或慘情角色，而是飾演一位貪小便宜兼凡事算到盡，港女味十足的女人，林穎彤表示：「有啲戲要表現到計數好叻咁，而我嘅數學係勁差，背對白時要花啲工夫。」童星出身的林穎彤9歲時首次拍劇，在亞視《萬家燈火》內跟鮑姐、江美儀合作，相隔20年再合作感到很親切，「好細個已經認識鮑姐，好似見番一個好熟悉嘅長輩咁；美儀姐就同我一樣都係食素，佢成日會分享素食畀我，覺得好溫暖。」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】