全城一叮X《愛回家》尋寶圖丨「歸蜀明」繆家慶結他自彈自唱笑中有淚 「英進」招浩明表演魔術令伍詠薇O晒嘴

綜藝節目《全城一叮》雲集TVB大批藝員，希望透過舞台上表演，令觀眾能夠再次重新認識自己。昨晚播出第4集巧妙地見到《愛回家之開心速遞》中，「尋寶圖」職員「英進」招浩明和「歸蜀明」繆家慶先後登場，招浩明原來是魔術高手，他利用啤牌示範兩人魔術，期間要求伍詠薇用牙咬住對摺的啤牌，靠手拖手，竟然成功將伍詠薇口中咬住獨一無二的啤牌換走。

同場加映：美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

全城一叮︳劉家聰重提18年開腦手術勁洋蔥 險半身癱瘓 馮盈盈感動淚崩【下一頁】

{{hket:inline-image name="bu15_600.jpg"}}{{/hket:inline-image}}

{{hket:inline-image name="18_600.jpg"}}{{/hket:inline-image}}

{{hket:inline-image name="chiu7.jpg"}}{{/hket:inline-image}}

伍詠薇嚇到「碌大對眼」表達震撼，而隨後招浩明再玩讀心術的魔術，將現場觀眾隨口講的指定啤牌，在一早設置在舞台的盒子入面，令觀眾拍爛手掌。在劇中飾演英進的招浩明過往曾經在《街頭魔法王》表演過，在《痞子殿下》亦有機會加插魔術表演的劇情，他表示一直希望能夠擁有一個由他主持的魔術節目。

而「歸蜀明」繆家慶在該集壓軸現身，他孭起結他自彈自唱，率先就開個大玩笑，「前幾個月我買六合彩，畀我中咗呀......Omicron！以下呢首歌係講我呈陽性之後嘅經過，歌名叫做《陽過》。」單單兩三句已經令主持人們發笑。

全城一叮丨林子超克服心漏病跳勁舞獲讚 利穎怡拱橋一字馬技驚四座【下一頁】

{{hket:inline-image name="chiu10.jpg"}}{{/hket:inline-image}}

家慶將自己呈陽後，被媽媽強報衞生署，最終被送往隔離營的故事唱出來，他最後笑言：「雖然抗疫呢條路仲有難度，但只要轉變一下角度，我哋都可以好好過渡！喺呢度衷心多謝我媽媽，因為隔離完我先知道，其實佢平時煮飯真係幾好食，多謝你，媽咪！」家慶成功用幽默的演出過關晉級，評判之一的蔡一傑向他送上鼓勵，希望他多加自信，更用他劇中的名字，「唔好龜縮呀！」隨後，現場觀眾中一位女士評價家慶，她說：「聽你唱歌好冧，同埋你都唔似31歲，你可以參加《聲夢Junior》！」

繆家慶接受《晴報》電話訪問，他表示：「結他學咗好多年，平時都有學唱歌同埋練唱歌，聽到傑少個評語當然感動啦，其實仲有其他嘉賓的評語都係好正面。本身我個人真係冇乜自信，不過又好想做一次帶畀大家歡樂之餘，可以展示自己唔同嘅一面畀大家睇，所以真係好開心！下次比賽我都會繼續結他自彈自唱，唱出有關人生的話題。」對於跟「英進」招浩明拍住上參賽，他說：「我哋有互相鼓勵，事前喺演出上面會傾策略，大家互相支持最重要，無論我表演緊，定佢表演緊，喺台下畀掌聲就一定啦，我哋合作無間！」

{{hket:inline-image name="bu17_600.jpg"}}{{/hket:inline-image}}

{{hket:inline-image name="310985781_144360031357969_8114207787546517492_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉