何廣沛奇招吸View整小虎眉？ 奶仔與網民恥笑：確係眉清目秀

現年34歲嘅何廣沛，除了拍劇，又跟郭子豪、方紹聰（奶仔）組成「食腦三子」向網絡及綜藝節目發展。日前何廣沛拍攝咗一條短片大曬演技，不過就意外畀佢面上嘅另一樣嘢搶Fo。

同場加映：炎明熹被爆最愛在天台看海發呆 高晨維家變歌手育成秘密基地

{{hket:ul-video id="6752"}}{{/hket:ul-video}}

片段其實係一部短劇，何廣沛同劇中女演員因為感情問題嘈交，何廣沛又嬲又激動，不過大家就完全唔會留意到佢嘅演技，事關佢呢次七情上「眉」！何廣沛兩條眉又粗又黑又，好似撻咗兩塊紫菜上去咁，呢條「鄧家彪眉」令人視線完全冇辦法移開。

{{hket:inline-image name="182705052_819413572023284_6948696994683322237_n.jpg"}}{{/hket:inline-image}}

唔少網民都留言調侃何廣沛，「鄧家彪眉」成為咗成條片嘅討論焦點，有人更加表示下次會再睇片就係為咗睇佢條眉！唔通佢呢個係暗黑操作，出奇招吸view？不過何廣沛就似乎都好無奈，留言：「我都唔知佢（眉毛）想點，有冇人可以幫幫我？」

好友奶仔引用電影《百變星君》中周星馳飾演嘅李澤星同李健仁飾演嘅王小虎所講嘅對白，留言：「你個何廣沛又的確係眉清目秀。」何廣沛用「好眉好貌」4個字自嘲回覆，相信佢都覺得好無奈！

何廣沛今次疑似係紋眉「出事」，不過就似乎係短暫性情況，因為何廣沛留言表示:「個個都講佢（眉毛），小氣鬼走咗」，可能只係因為未「甩焦」先會咁深色。不過唔係個個都咁好彩，男士紋眉漸趨普遍，而紋眉是一種半永久技術，通常可以維持兩年左右，如果出錯就要同唔好睇嘅眉型共存一、兩年，大家都要慎選師傅呀！

圖片來源：Instagram