龔嘉欣疫巿投資開蛋糕店一周年 謹記爺爺做生意座右銘要捱得苦

藝人演藝事業收入未必穩定，部分人會選擇發展副業以增加收入。龔嘉欣拍劇多年，很喜歡下廚的她，一早已經進軍飲食界做老闆娘，分別於香港開設蛋糕店、馬來西亞開設港式火鍋店。在疫情的影響下，她香港的餅店逆巿生存已一年。開業易、守業更難，加上疫情令百業蕭條，幸好龔嘉欣去年與朋友合資位於尖沙咀大型商場的蛋糕店經歷風浪，亂世下已開業一年，生意開始穩定。慶幸一班同事團隊落力合作，遇到不同狀況同心協力立即處理。

同場加映：炎明熹被爆最愛在天台看海發呆 高晨維家變歌手育成秘密基地

{{hket:ul-video id="6752"}}{{/hket:ul-video}}

{{hket:inline-image name="01.jpg"}}{{/hket:inline-image}}

{{hket:inline-image name="08.jpg"}}{{/hket:inline-image}}

十八年後的終極告白2.0丨龔嘉欣狂摑譚俊彥失控嚎哭曬喊功 網友大讚虐心：有望問鼎視后【下一頁】

嘉欣接受訪問時透露經常都親力親為，在不同崗位學習：「我有時會喺廚房，有時會喺門市，有時返Office，每一個部門自己都會去做。我覺得最困難嘅係，有時候做一個project或者決策，發現喺市場上根本唔Work，咁難免都會有打擊，呢個時候就要去學習改善同反省。同理我本身數學係好差嘅，好多成本、支出，每一樣都要計。好怕出錯會影響好多嘢，所以就會比其他人用更加多嘅時間去計、再check多幾次。」

{{hket:inline-image name="04.jpg"}}{{/hket:inline-image}}

龔嘉欣突爆確診新冠肺炎停工 日前宣傳共用化妝間恐釀大爆發【下一頁】

香港的蛋糕店雖然做得好順利，但她暫未有擴充業務的打算。而之前她於馬來西亞開火鍋店，原本生意很好，卻因為這三年多的疫情而暫時要停止營運，再作打算，她說：「無辦法繼續喇，之前都有繼續搵新地方，會慢慢再去計劃。做生意真係仲有好多嘢要學，真係唔容易，需要好多時間同心機。」

嘉欣對做生意的堅毅，相信遺傳於爺爺，因為長輩是經營家族塑膠工場生意，從小她便見到爺爺為生意拼博：「我好欣賞爺爺，佢年青嘅時候自己一個做好多份工賺錢，慢慢去建立佢自己嘅生意、事業。佢真係好勤力，亦都好犀利，相信唔多唔少都有受到佢影響。」她最難忘爺爺很有威嚴地坐在董事長房間內，埋頭苦幹處理文件，當時他的教導還銘記於心：「我細個時佢成日講：『少壯不努力，老大徒傷悲』，應該差唔多個個星期都講一次。」她見到爺爺凡事親力親為，明白力不到不為財，親力親為要捱得苦，才會成功。

在商界做女強人，但龔嘉欣不忘自己的演藝事業，做生意之外自己都會專注拍劇，她透露12月又會再入劇組拍攝新劇，現時都要花時間為角色做功課。2008年加入無綫至今，漸漸做出成績，2016年憑《幕後玩家》奪得《萬千星輝頒獎典禮》最佳女配角獎。之後更在2020年，於頒獎典禮上奪得「馬來西亞最喜愛TVB女主角」和「最受歡迎電視女角色」。

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

撰文：王連連