全城一叮︳劉家聰感謝馮盈盈「復活」之手 囡囡上台親自獻勳章 感動全場

劉家聰昨晚（13日）在《全城一叮》表演手影舞，同時訴說2018年做開腦手術的經歷，成功打動全場，當中主持人馮盈盈感動爆喊，撳掣讓他「復活」，獲得再次上台表演的機會，爭取這一輯節目的冠軍寶座。

{{hket:inline-image name="10141004.jpg"}}{{/hket:inline-image}}

{{hket:inline-image name="10141003.jpg"}}{{/hket:inline-image}}

同場加映：美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

劉家聰昨晚表演的手影舞未能取悅場內觀眾，被淘汰出局，而當分享自己經歷後，卻有意想不到發展，馮盈盈被打動當場「淚崩」，她邊喊邊說：「聽家聰嘅故事，觸動到我，搞到我忍唔住...有啲激動！佢話好掛住，好鍾意觀眾畀佢嘅掌聲，同埋呢個現場錄影嘅氣氛...我覺得呢個舞台真係一個令夢想成真嘅地方。」

全城一叮︳劉家聰重提18年開腦手術勁洋蔥 險半身癱瘓 馮盈盈感動淚崩【下一頁】

這集感人場面不單止家聰的故事，還有他的寶貝女昕昕到場打氣，主動要求上台頒獎給爸爸，昕昕說：「對我嚟講，一直望住佢或者陪伴佢，都係一種支持，佢深深感受到嘅。」原來昕昕所頒的勳章是小時候參加馬術比賽贏到的，很有意義。

喊到走晒樣的馮盈盈爽快撳掣，讓劉家聰「復活」再玩多一次，獲得再接受考驗的機會，她說：「表演同表演者之間可唔可以帶出訊息，以生命影響生命呢？我覺得係一個更加重要嘅使命。」

第九期藝員訓練班│劉家聰與舊同學25年來感情要好 小花陳安琪周凱珊已成兩孩之母【下一頁】

現年44歲的劉家聰在IG發文講出感受：「一個成功嘅演員，離不開閱歷豐富嘅人生，冇底蘊，難於把角色演繹得出色，感動觀眾。舞台係通往成功嘅必經之地，係接受考驗嘅地方。今次好多謝TVB畀我一個機會，踏上《全城一叮》舞台，享受到大家嘅支持、掌聲。」亦不忘多謝馮盈盈的淚水「伸出援手」，預告有新表演，「多謝的淚水和復活之手，如果有機會同馮盈盈拍劇做拍擋都幾好喎...能夠喺垂死邊緣復活，當然要將難度升級啦，嚟緊我會向一位大師中嘅大師學藝，必定耳目一新。」

（↓點擊放大睇圖片↓）

主持人Bob林盛斌亦於IG力讚劉家聰，「可能佢嘅演出未必係技驚四座，可能佢嘅演出未必令你睇到嘩嘩聲，但係佢幾年前做過開腦手術，喺鬼門關邊緣返番嚟呢個世界，經歷半身不遂而家手腳活動仍然有缺陷，但係堅持要做手影畫呢啲難度咁高嘅表演...家聰，我非常欣賞你，亦好多謝你！你話好掛住觀眾們畀你嘅掌聲，希望今次呢個節目可以為你帶嚟更多力量，令你繼續勇敢同堅強去行日後嘅路，加油。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】