中年好聲音丨屯門娜娜現真身被猛烈批評 堅持活在濾鏡下：呢個先係我

無綫早前舉行歌唱節目《中年好聲音》面試，吸引咗過百人參加，其中一名參賽者就係有「阿伯殺手」之稱嘅「屯門娜娜」。「屯門娜娜」使出看家本領勁歌熱舞，不過唔少網民見到佢面試時嘅真面目都瘋狂批評。但娜娜一於少理，昨日就喺社交平台post一張自拍照，活出「真我」。

同場加映：美麗戰場丨蔣家旻曾為演好角色受壓爆濕疹 學懂放鬆喜迎「反骨琪」咒罵聲

{{hket:ul-video id="6775"}}{{/hket:ul-video}}

「屯門娜娜」真名叫董幸兒，報稱現年36歲，約4年前於屯門公園表演大媽歌舞團而「爆紅」，更因為邊跳邊收錢惹爭議。疫情爆發後，娜娜絕跡街頭，開始活躍於社交平台，不時更新性感相片吸粉，社交平台有8千多名粉絲，勁過好多KOL！但佢參加面試時，零濾鏡原相下展露最真實樣貌，濃妝加上黃牙，面又闊，有陣陣大媽味，網民直言：「真身相當驚嚇。」

{{hket:inline-image name="9.jpeg"}}{{/hket:inline-image}}

娜娜一於少理負評，日前佢上載一張「重裝甲」自拍照，留言：「我唔理呢個先係我。」睇嚟佢已經同二次元世界完全融合，堅持濾鏡下嘅自己先至係「真實」，非常自我，唔係咁容易做到呀！「重裝甲」自拍照中嘅佢皮膚非常光滑，彷彿回到18歲，唔係配合佢一身魚網裝性感打扮，真係點都估唔到同《中年好聲音》嘅娜娜係同一個人。

以往娜娜除咗化身性感歌女拍片，都有更新私影照，為自己增加人氣兼搵食機會。早前分享水手服造型照以及忍者look後，講過金錢觀，「賺錢能治癒一切矯情，有錢能治癒一切自卑。」唔知今次佢嘅真樣曝光，又會唔會影響到佢嘅賺錢機會呢？

撰文︰娛樂組