陳家樂與未婚妻連詩雅慶祝36歲 生日憶當初冇業績冇夢想被炒魷

陳家樂、連詩雅（Shiga）因合作旅遊節目《12個夏天》互生情愫，在今年6月初，分別在社交平台發文宣布訂婚，仍未決定結婚日子。人生踏進另一新階段，思想上跟以前變得不一樣，陳家樂昨日（10月12日）度過36歲生日時，竟因兩個字而憶起前塵往事。

同場加映：美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

{{hket:inline-image name="16e8c185-9be5-494f-ba62-02cd10aeede2.JPG"}}{{/hket:inline-image}}

{{hket:inline-image name="311211475_8119533831454316_2889580151787549525_n.jpg"}}{{/hket:inline-image}}

6月29日是Shiga的34歲生日，當日她收到一個寫上「陳太 Happy Birthday （下款）陳生」的生日蛋糕，陳家樂在IG表示：「Happy birthday！祝你肥肥白白，我就聽晒你話！」簡直冧到暈啦！

輪到未婚夫生日，Shiga當然識做，溫馨送上寫上「陳生 生日快樂」的生日蛋糕，出post送上祝福，留言：「生日快樂，身體健康，工作順利，開開心心啦！」朱古力生日牌上的「陳生」二字，代表壽星陳家樂踏入人生另一階段，他在IG出post轉述，寫道：「由『陳仔』走到叫『陳生』，好似幾日嘅事，噚晚突然自我回顧...」

34歲生日｜連詩雅着三點式慶祝騷弗爆身材 未婚夫陳家樂冇阻止只係嗌…【下一頁】

陳家樂回想，20歲出來社會工作的一段日子，「當時嘅我日日返工望放工，個個月搵幾千蚊，捱到月尾又一條好漢，周而復始，冇業績，冇夢想，鹹魚都好味過我，結果有日上司走嚟問我『你想點？不如你諗吓有冇其他地方適合你，我畀一晚時間你諗諗』...唔想連幾千蚊都冇嘅我，第二日諗住返去同佢講我會畀心機，我會點點點，我會...正當我開口之際，上司已經搶先一步『係咪諗清楚一定要走呢！我幫你執好晒啲手尾，唔使擔心㗎嘞』...當刻我呆咗，完全反應唔切，只能微笑點頭，然後做咗一場『咁都畀你估到我想走』嘅戲。」

陳家樂連詩雅2年地下情修成正果 橫風橫雨出海釣墨魚驚喜求婚【下一頁】

{{hket:inline-image name="800_4456dc6cab15895025b922f6263b9cc9.jpg"}}{{/hket:inline-image}}

被炒了，陳家樂當然不忿氣，繼續寫道：「其實當時真係好憎呢個上司，想炒我又兜咁大個圈...但之後諗返，佢呢個方法，其實已經好畀面，重點係，佢強迫我走出呢個comfort zone，呢個令我成為無限輪迴鹹魚嘅comfort zone，如果冇佢幫我做呢個決定，一定冇今日可以為自己夢想奮鬥嘅陳生！突然好想係36歲生日呢一日，多謝呢位上司，多謝你！」還hashtag「點解我細個叫陳仔」、「因為啲客會咁叫我」、「36」、「要更加努力」。不少藝人朋友留言祝福，而第一個留言則是Shiga，她寫道：「繼續努力！」加上了加油、拍手掌和火的emoji。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】