44歲楊思琦着娃娃裝冇違和感 網民估再有喜：感覺你又偷偷懷孕

現年44歲嘅楊思琦近年轉戰內地搵銀，佢不時都會於社交平台上載影片維持人氣，雖然影片多次被指騎呢老土，但所謂「百貨應百客」，思琦仍儲到好多Fans。日前思琦嘅一條片一改平日嘅風格，換上清純娃娃裙嘅佢被大讚有氣質，不過亦因為呢條片惹嚟大肚疑雲。

同場加映：  炎明熹被爆最愛在天台看海發呆 高晨維家變歌手育成秘密基地

{{hket:ul-video id="6752"}}{{/hket:ul-video}}

影片中思琦手拎一杯飲料步出餐廳，徐徐打開一把透明嘅遮，着住一件娃娃裝長裙同平底穆勒鞋喺雨中漫步。唔少人都留言大讚佢唔「整色整水」，簡簡單單咁非常有氣質，留言大讚：「呢個衣著好適合你，髮型都係，清純簡單嘅你係最好睇！」、「正正經經咪好，唔好著到古靈精怪，唔好唱歌。」不過呢件鬆身衫就惹來佢再度懷孕嘅猜測，網民留言：「感覺你又偷偷懷孕了~這件衣服有孕味。」亦有網民附和表示有同感，而其實片段中未知係咪因為角度問題，見到思琦腹部微隆，去到後面更只拍攝上半身，令人不禁有所聯想！

{{hket:inline-image name="70.jpg"}}{{/hket:inline-image}}

楊思琦2001年獲港姐冠軍入行後，迅速躍升為受捧藝人。喺佢事業高峰時，單親誕下女兒楊卓穎（Krystal），幾年後又再度懷有第二胎，更表示已和圈外人註冊結婚。然而呢位圈外老公非常神秘，一直未有露面，令思琦一直被嘲老公係「虛擬」。而思琦繼續尊重老公唔想出鏡嘅意願，而老公亦尊重佢繼續發展演藝工作嘅意願，近年思琦積極於內地發展，轉型做主播工作、商演和帶貨直播，努力工作賺錢養家。

楊思琦工作時會靠媽媽照顧一對子女，佢直言為咗家庭而全力發展事業，佢指:「有好多人都會話做咗媽媽應該留喺屋企，照顧多啲自己小朋友，陪佢多啲，咁我都贊成嘅，但我覺得男同埋女都應該係平等㗎囉，現今嘅社會我覺得真係事業對於女性嚟講係好緊要。」

楊思琦選擇到廣州工作長達半年，都有因冇時間陪阿仔，而感到內疚，佢表示：「有4分之1嘅時間我陪唔到佢，都好想陪吓佢」。佢感恩獲家人的體諒和幫忙，令佢工作上可以有唔同嘅發揮同新嘗試。

圖片來源：Insatgram