鄭秀文常規做運動16年抗抑鬱 拒絕病態瘦身：唔再胡亂節食

現年50歲嘅Sammi鄭秀文在事業高峰期時歌影視三棲發展，多部電影作品如《我左眼見到鬼》、《孤男寡女》、《瘦身男女》等都令人留下深刻印象，更多次獲提名金像獎影后！鄭秀文於2005年接拍電影《長恨歌》，而喺電影拍攝期間一度患上抑鬱症，有指更因太入戲加劇情緒問題，加上為咗拍攝不停增磅又減磅，令佢壓力爆煲。

同場加映：美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

患上抑鬱症期間，Sammi拒絕與外界接觸同溝通，後來靠朋友支持同信仰慢慢走出陰霾；同時，Sammi透過運動紓壓，令佢嘅情緒問題逐漸改善。Sammi一向都樂於分享自己嘅「爆汗相」影響生命，日前佢同運動「結緣」16年，佢post出一張弗爆運動裝相，同大家宣揚運動之美，留言：「運動使身心靈都得到平衡。05, 06年因為飽受憂鬱症之苦，於是開始非常認真地，有習慣地運動。一眨眼，到現在已經踏入第十六年，運動好處多到十隻手指都數唔哂。其中最開心嘅係，係唔再需要胡亂節食，鍾意食咩就食咩（包括零食，正餐，炸物，澱粉，酒）。不過，我最愛都係紅肉。閒閒地14oz 牛扒。食完有運動，冇有怕。吃飽才是人生。#balanceoflifeandwork#balanceofnutrition#食飽才是人生#不節食的美好」。

{{hket:inline-image name="3d9c470a5c077abf4396e3fb417a04e6.jpg"}}{{/hket:inline-image}}

 唔少網民都話見到Sammi咁積極，覺得冇偷懶嘅原因，更有人留言指自己係受Sammi影響先會踏上健康之路，非常多謝佢咁話呀！

另外，鄭秀文與馮德倫、周迅、易烊千璽等領銜主演嘅電影《世間有她》將於11月10日上映。電影從女性角度出發，講女性面對COVID-19 病毒爆發期間的遭遇，及與家人和伴侶相處關係的改變。當中，由張艾嘉擔任導演的香港故事部分，更邀請鄭秀文及馮德倫合演夫妻，鄭秀文飾演母親角色，並體驗職場媽媽的辛酸事。

鄭秀文飾演嘅梁靜思為職場母親，與馮德倫飾演嘅何達仁組織家庭，一度放棄事業，由馮德倫賺錢養家。直到孩子長大上學後，佢重新實現做攝影師的夢想，可惜沒法獲得丈夫的支持，兩人因對家庭事業的看法不同，感情陷入僵局。疫情期間，二人亦因為想法不同而有爭執。

鄭秀文形容飾演兩孩之母非常有挑戰性，亦明白擔任職場媽媽嘅感受，一方面很想為自己喜愛的事業打拼，一方面擔心會否忽略對孩子嘅照顧及減少咗打理家庭嘅時間。拍攝《世間有她》亦令佢了解到大眾面對疫情嘅日常，電影中佢仲同街坊喺超市搶購防疫物資。