林鈺洧被爆欠債50萬靠男人還錢 否認用港姐獎金填氹：我都未收到

出爐港姐冠軍林鈺洧（Denice）是非不絕，繼之前被翻出喺ViuTV節目發表大膽言論，被封「性女」後，林鈺洧又被一位「曾經知心好友」爆料，指佢債台高築逾50萬，更指佢選港姐為贏獎金填數。

同場加映：  美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

日前有一位讀者匿名爆料，表示自己曾經係Denice嘅知心好友，仲列出佢三宗罪！爆料人第一指控佢虛報學歷，指佢連大專學歷都冇，甚至中學都未讀完；第二指佢未選港姐之前欠下多張信用卡卡數，其中一張AE卡欠下高達幾十萬，要靠不同男人幫佢還卡數，最後冚唔到更用港姐獎金填數；第三就指佢爸爸林俊賢有黑社會背景。

{{hket:inline-image name="4.jpeg"}}{{/hket:inline-image}}

《晴報》專訪Denice，佢表示對事件感到無奈，並否認欠債：「唔知嗰個人有咩居心，佢唔係好了解我，因為我信用卡都冇一張，何來爭人50萬（係咪得罪人？）我都唔知係邊個，我都冇乜頭緒。覺得好無聊，首先我有信用卡，個Limit有乜可能係50萬（再多啲？）總之冇可能，全部都係Fake news（假新聞）。」

爸爸林俊賢早前力撐阿女上清談節目言論冇問題，問到Denice爸爸又對今次傳聞有咩睇法，Denice就話：「爸爸冇睇到，我有同佢講近排好多呢啲新聞，反而佢話冇乜嘢，等時間過去會沖淡一切，觀眾眼睛係雪亮，佢哋見到你行為同報道咁大反差，佢哋都會信番我多啲。」爆料人又指林俊賢有黑社會背景，Denice冷笑表示：「（爸爸）戲入面可能係囉，真實我諗唔會喇，（爆料人）睇戲睇太多。」被問到假學歷問題，佢就直言自己冇大學學歷，只係喺香港讀大專；佢又表示太多假新聞費事再理，自己係一個點嘅人大家都會睇到。Denice最後重申自己冇欠債：「其實真係common sense，我點會爭50萬卡數，我又唔係年薪好多。（話你用港姐獎金填數）獎金我都未收到。」