李璨琛老婆佗B5個月Keep住蛇腰 網民嚇親Lucy媽承諾做「盡責代母」

李璨琛（Sam）和老婆梁志瑩育有4歲囡囡李元元（Lucy），Lucy媽為Lucy開嘅IG積累咗38.1萬位追蹤者，唔少fans都爭住認做Lucy「契媽」，可以話係近年最高人氣嘅星二代。早前Lucy媽梁志瑩就趁老公李璨琛47歲生日，出post宣布再度懷孕嘅消息，契媽們都好期待佢哋嘅下一胎可愛bb呀！不過日前Lucy媽post出嘅一張孕照就嚇親契媽們，搞到佢要出post安撫大家，非常爆笑。

同場加映： 美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

Lucy媽喺story post出自己5個月嘅孕肚，相中見到佢一啲小腹都冇，瘦過好多冇佗b嘅女性，佢留言：「話咁快又5個月，外觀上雖然冇咩動靜，但已經feel到條友喺入面郁吓郁吓。同Lucy一樣，晏晝好少郁，係夜晚我臨瞓前佢就會郁幾吓，應該都係夜鬼。肚雖然未見大，但竟然開始覺得有啲腰骨痛，要再勤力做多啲瑜伽。」

相信唔少人見到Lucy媽佗B 5個月但都唔見肚覺得好神奇，紛紛留言慰問佢，搞到Lucy媽要再出一個post釋除大家嘅疑慮。Lucy媽貼出一張Lucy嘅頹廢相，留言：「個個見到今日個Story我個肚咁細好驚訝，喂大佬呀！第一，因為我係長人渣巴，個肚裡面真係多好多空間畀佢生長，第二，我之前嗰兩三個月，日日都好似呢條友咁頹，完全食唔落嘢，喺屋企玩沾寒沾凍，日日剩係食得落冇味嘅麵包，零胃口，平時最為食嘅我，變咗食嘢係為咗生存，係近呢兩個禮拜終於好啲喇！」

{{hket:inline-image name="310785938_690548208578895_416803546728966186_n.jpg"}}{{/hket:inline-image}}

Lucy媽最後仲搞笑咁表示自己只係代母：「多謝大家嘅鼓勵，我呢個代母（代你哋38萬個老母懷孕呀）會繼續加油努力，幫你哋生個肥肥白白、可可愛愛嘅BB ！#李老母是代母」。而網民嘅留言都繼續歡樂：「目測，大家姐lulu，個肚dum大過你！」、「Lulu似安胎多過你似安胎。」唔少人又為佢送上祝福：「代母，你加油呀！會越來越好胃口，放心啦，日日對住鬼馬大家姐lulu心情一定非常好，一定生一個肥肥白白、可可愛愛的BB。」

圖片來源：Instagram