郭碧婷與向華強闔家開P向佐冇影 網民心痛估婚變向太急代解釋

向華強兒子向佐與台灣藝人郭碧婷因為拍攝內地真人騷節目結緣，由拍拖到結婚生B至今一直十分恩愛，不過向佐月前卻被內地傳媒爆料出軌，仲被公開疑似與裸女網紅視像嘅畫面，瞬即掀起網民討論。然而兩位當事人一直未有回應過有關傳聞，只有雙方家長喺社交平台上發文。而日前向太陳嵐再post出一家開生日p嘅相片，不過就見唔到向佐，令網民懷疑佢同郭碧婷嘅婚姻亮起紅燈。

同場加映：  鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

日前向佐同郭碧婷大女「小奶黃」2歲生日，加埋細仔「龍眼」亦出世百日，向家就喺「行宮」開派對宴請親友一同慶祝。向太於社交平台分享了當日派對靚相，呢次都係郭碧婷誕下細仔後首次曝光。向太留言表示：「今天重陽節祝福大家長長久久吧！無論是健康快樂友誼感情都是。沒有甚麽比看著小朋友們健康快樂成長更開心的事，小奶皇Cora十一國慶2周歲生日，小孫子龍眼出生百日，秀一波可愛！」

{{hket:inline-image name="005I43gtgy1h6t76a8x6cj636c2494qr02.jpg"}}{{/hket:inline-image}}

​​​然而相片中竟然完全冇向佐嘅蹤影，隨即掀起網民熱烈討論，再次惹來佢同郭碧婷婚變揣測。唔少內地網民都好喜歡郭碧婷呢位「台灣媳婦」，留言幫郭碧婷「出氣」：「向佐爸爸（向華強）不是在嗎，向佐就不用到場了吧，拉低這家的顏值」、「郭碧婷是嫁了給向太嗎？」、「碧婷換向佐代替向家長女位置」。

不過之後有網民留言直接問「向佐呢？」，向太就親自回覆說：「台灣政府不給向佐簽證。」唔少人都頓覺鬆一口氣，而且表示覺得一家睇落好開心，二人婚變就應該唔會為佢哋做呢場戲！又有人問到郭碧婷嫁入向家，但點解反而係佢一家移居到台灣，向太都回應：「碧婷信任台灣的婦科醫生，三月底回去六月中旬生寶寶了。現在三個人都沒打疫苗。」

圖片來源：微博