鋪鋪Poker︳側田被陳欣茵黃紫恩「放生電」夾擊 估Eric Kwok設局：邊度都有陰謀

J2台節目《鋪鋪Poker》明晚（8日）踏入新一季，由師兄劉浩龍接替「榮休」的方力申，夥拍郭偉亮（Eric Kwok）同J2er陳欣茵（Sonya）擔任主持。新一季首集嘉賓請來下個月開騷的側田之餘，還有另外兩位J2ers黃紫恩（Jojo）同陳若思（Amber）落場，兩女一左一右夾擊側田，再加上陳欣茵不斷賣口乖，令側田感到極濃「陰謀」味道，認定是Eric Kwok及師兄設下的局。

{{hket:inline-image name="14.png"}}{{/hket:inline-image}}

{{hket:inline-image name="18.png"}}{{/hket:inline-image}}

同場加映：鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

側田這集成為大家的目標人物，陳欣茵在賭局開始之前，拋開矜持話：「我細細個就幻想側田做老公。」，令場內所有人起哄，側田受寵若驚；陳欣茵解釋自己一直以來很欣賞懂作曲作詞、識得唱歌的男仔。出道多年的側田即有危機感，覺得「邊度都有陰謀」，認為這是Eric Kwok同師兄設下的局，要他飄飄然之下在賭局中出錯。陳欣茵更為證明自己是真正粉絲，隨口數出幾首側田的歌曲。

鋪鋪Poker｜吳若希被老公爆成日喺屋企咆哮 Alex享受「被虐」：尊嚴一早冇咗【下一頁】

陳若思就表現含羞答答，讚側田是香港數一數二唱歌好聽的歌手，另一邊的黃紫恩在旁助攻，就算側田大講爛gag，她都大拍馬屁話：「你真係好幽默呀，Oh My God！我鍾意呀！」，之後再爆側田的金曲《命硬》陪住度過她6年的中學生活，因這是她當時起床的鈴聲。

（↓點擊放大睇圖片↓）

側田被3位靚女「放生電」輪流攻擊，捧到男神一樣，當場有點不知所措，惟有用爛gag反擊。黃紫恩在節目中段再出招，大讚側田幽默及非常性感，是她喜歡的類型，更介紹自己是《冇人性教育》的主持，可以解答側田問題；又教側田提肛鍛煉股肌，「我係dancer，每日都練，純粹想話你知，冇其他意思。」至於側田最終有否被迷倒而輸牌，大家就要睇節目搵答案。

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】