居住加拿大溫哥華的李綺虹近日接受李婉華YouTube頻道訪問，以素顏示人，全程眼腫腫，不過可愛的無敵笑容不變。李綺虹透露自己有眼疾經常流眼淚，正接受中醫治療，所以就算有拍攝工作的邀約，都不知能否勝任。她笑言早前分享自己的近照，沒想到大家仍然對她的生活感興趣。
同場加映：鄭伊健爆被團隊勸服再開紅館騷 嘲太太蒙嘉慧：佢係強壯唔係肥
52歲李綺虹甫色斑「紅疹」大頭照 大方承認女人「禁忌」：更年期問題【下一頁】
李綺虹指當年移居溫哥華因為年紀大，幕前工作邀約逐漸減少，周圍搵工都搵唔到，連麵包店、油站都唔肯請，「我相信係天意，冇人要之下，我就搵到精神科護士，我好鍾意自己工作，鍾意幫到人，我鍾意聽人故事。」李綺虹參選《1994年香港小姐競選》獲得亞軍，隨後加入娛樂圈，由於自細在加拿大成長，所以她滿腔半鹹淡的廣東話鬧出不少笑話，反而成為觀眾心目中的可愛記憶點。
對於近日素顏照引起激烈討論，她笑言自己做媽媽之後，一切都以兒子為大前題，她經常都會睇囝囝踢波，有時又鍾意踩單車返工，加上懶得塗防曬，所以膚色越來越黑，「我平時唔化妝，我都懷疑係咪要積極Keep吓自己。我有得解釋，因為我噚晚開夜班，瞓幾個鐘頭。（好多網友讚你真性情！）我冇辦法唔真，因為我唔叻做戲！」她笑言最掛住香港的菠蘿油和生活，不過留在香港生活壓力很大，她會容易變得緊張，她說：「就算溫哥華都有好多比較，所以我住得比較偏僻。我唔係特登咩Show自然美，只係我真係好懶，有時我直接著睡衣出街，成日被我老公鬧。而我平日會打坐練習冥想，搵好多平靜。」
有不少網友都不斷留言讚李綺虹是最美的「郭襄」，她坦言感激李添勝的賞識，令她這個角色在好多華人心目中留下深刻印象。至於同黎明合作拍攝《阿Sir早晨》，李綺虹說：「好大壓力，完全唔識講對白，當時我唔了解黎明係幾厲害，因為我外國長大我唔識佢，但而家諗番起，我同一個天王合作一部電視劇，諗番起好夢幻。黎明佢好親切，因為我新人又第一年住香港，佢叫助手幫我翻譯劇本，又叫司機盡快車我返屋企，等我可以休息多啲！」
49歲李綺虹復出拍節目 曾患情緒病為媽媽做精神科護士【下一頁】
現職護士的李綺虹曾經不幸患上抑鬱症，幸好透過藥物、工作和朋友開解，慢慢康復過來。提到自己的工作，她認為每次幫助到人都感到非常開心，聽到網友大讚她是天使，李綺虹反而分享一個故事，「揀呢個工作因為有滿足感，頭一、兩星期做護士，遇到一位患癌無家者，佢講唔到嘢但好惡，幾得人驚，所以大家都唔敢靠近。有次夜晚半夜佢出廳，我見佢啲手曲住硬晒，於是話幫佢按摩，可惜幾星期之後佢就唔得喇！你哋一定會話綺虹好好，幫人按摩，但其實佢先係我天使，佢係我貴人教我呢個新人，點樣去同佢相處、點樣同唔講嘢嘅人溝通。」李婉華聽到綺虹的一夕話後，大為感動，更流下眼淚，希望大家都懂得逆向思維，不要老是埋怨。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉