聲夢傳奇丨張寶兒再為炎明熹姚焯菲造型捱批 內地網民嫌業餘：也太災難了吧

張寶兒（Bowie）近年「踩過界」擔任造型師兩邊走，去年更首次包辦《聲夢傳奇》眾學員舉行演唱會時嘅造型，甚至不惜出動私伙衫兼且自墊六位數，然而迴響卻好壞參半。早前一班聲夢學員盛裝出席國慶文藝晚會，原來當晚的造型亦全部出自張寶兒之手，佢將自己襯好嘅造型剪輯成影片放上社交平台，香港嘅《聲夢》fans幾乎一面倒讚好，反而內地平台湧現大量網民劣評，直言佢太「業餘」。

同場加映：美麗戰場｜方力申重遇「阿寶」再被催復合 有諗過但冇行動：人要向前看

{{hket:ul-video id="6735"}}{{/hket:ul-video}}

張寶兒分別喺小紅書同IG上載一段接近30秒的影片，曬出當日為四位After Class成員炎明熹（Gigi）、姚焯菲（Chantel）、鍾柔美（Yumi）和詹天文（Windy），以及多位聲夢學員所配襯的服裝造型，留言指係「造型記錄」，不過就惹來唔少內地網民批評，認為佢將一班少男少女打扮得太過老成：「拜託給她們符合自己年紀的衣服。」、「全部人老咗十歲。」更有人直接踩佢業餘：「專業和業餘造型師的區別。」、「放過他們吧，交給專業的人。」、「也太災難了吧。」

不過亦有網民力撐張寶兒襯得好，亦比起之前有進步：「每套都好有心思。」、「好厲害，眼前一亮！」、「喜歡寶兒的配搭風格。」

{{hket:inline-image name="308924247_181523437700308_8912486573639993286_n.jpg"}}{{/hket:inline-image}}

而張寶兒都有打長文回覆，似乎唔係好接受大家嘅負評，佢解釋：「感謝大家的關注，竟然把我一人的資源和能力媲美上聲生不息省份電視台的資源和能力。其實在我看來藝人在出show那一刻能夠帶來驚艷感，已經是很成功的事情，多謝好多的觀眾們整晚向我表達正面回應，我非常感恩。我的確因為覺得藝人們需要尊重場合所以給他們穿得隆重了。」

張寶兒不忘大讚係因為國慶晚會嘅製作「驚艷」，先令佢嘅造型有「驚艷」效果：「國慶晚會其實造型就像演員穿戲服一樣，觀眾離開了那個節目和舞台，就可能對藝人的造型有不同感受。這樣就說明這次國慶晚會有觀眾感受到的『驚艷感』，的確是因為製作上各方的配合，燈光舞台鏡頭中樂團資方觀眾等，不然單靠造型，還是不容易創造這個感覺。」