戀講嘢丨「模界蔡思貝」爆富豪圈共享女伴 曾被開價4萬「包月」感覺侮辱

第59集《戀講嘢》今次以「共享育成女友」為題，邀請到擔任模特兒超過10年嘅Emma（鄭綽芹）上節目爆料，大爆「超級有錢人」私人派對嘅真面目，仲大講錢人世界中一個「女伴育成」遊戲，連見慣大場面嘅193同其他主持聽到都有啲震驚。

同場加映：  鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

Emma喺節目中透露，大約十一、二年前，初初入行做模特兒時，參加一個卡啦OK開幕活動而認識咗當時年約35歲嘅已婚富豪。之後二人經常以「朋友」身分一齊去高級餐廳食飯，富豪又會向Emma送上有牌子嘅「小禮物」，Emma在節目上稱對方為「Sugar Friend（意思大概是有錢的朋友）」。對方曾試過向佢開出$40,000一個月作為「伴遊」費，當時已經入行做模特兒的Emma表示錢太少，拒絕對方。

{{hket:inline-image name="270241524_874352419922310_93849857450819832_n.jpg"}}{{/hket:inline-image}}

有一次呢位富豪帶同Emma出席一個私人派對，Emma透露該場所位於半山一間佔地二、三千呎嘅別墅級豪宅，而該處有齊桌球室、私人影院等娛樂設施，呢位富豪嘅朋友亦會帶同兩、三名女伴。佢憶述別墅中仲有一個好「詭異」嘅設計：「我記得啲房全部都喺二樓嘅角落位，都分得好開，（193問：會有人突然間入房？）有入房嘅佢哋，（床單）濕唔濕我唔知，但佢哋係開心地出嚟。」 Emma表示自己當時冇入過房，而帶佢去私人會所嘅富豪朋友對佢亦都非常有紳士風度，冇唔規矩。

Emma又透露原來該群「有錢人」有個「女伴育成計劃」，佢哋會特定將「知識」教導女伴，然後將該名女伴作為禮物「贈送」予其他朋友。Emma又爆呢班有錢人喺世界上各地都會「圈養」女伴，例如中東的阿布札比以及日本東京同大阪都有，富豪到訪開會地點都會有幾名「女性」長駐。

Emma最後表示其實要令自己去高攀有錢人嘅世界都唔係咁舒服，日日都要化妝同埋著高踭鞋，而真實嘅佢都揀愛情，嫁咗畀圈中一位知名音樂人，而唔係咩富豪。節目播出之後，唔少人都將重點放到Emma外形上，指佢喺IG上係「照騙」，真人相差太遠；又有人人身攻擊佢。