陳浩民被指放假扮開工唔理仔女 蔣麗莎開直播為離婚傳聞解畫

日前有內地網民爆料，指蔣麗莎將會喺在國慶假期結束後辦理離婚手續，迅速引起網民關注。事緣有人聲稱，蔣麗莎網上直播時抱怨老公唔理仔女，女方今日再開直播為事件解畫。

同場加映：鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

有指蔣麗莎於近日嘅直播中指責陳浩民十一假期時，同家人講就去拍戲，實則獨自一人「外出瀟灑」，唔理屋企事，就連小孩都唔幫手湊！網民截圖中，見到蔣麗莎垂頭喪氣，睇落好攰又眼紅紅，好似喊完咁款，有傳佢等到假期完咗就會辦理離婚手續。

{{hket:inline-image name="e22e0cd5d53857a272272adf249025c5.jpg"}}{{/hket:inline-image}}

而「知情人」就話，陳浩民解釋自己並非在外面自私玩，的確一直喺劇組，身邊亦冇其他人隨行，重申如果蔣麗莎寫好離婚協議書，只要冇過分要求，會欣然接受。

蔣麗莎亦並冇刪除社交平台上有關陳浩民嘅短片，佢去髮型屋扮靚時亦抽空拍片回應：「大家就不要誤信謠言，兩人之間沒有矛盾，是別人瞎寫的，所以沒有甚麼好澄清的，更希望是生活幸福穩定。」

二人結婚11年育有3女1子，雖然經常曬恩愛，但都不時傳出將離婚消息。唔少網民難以相信佢哋會離婚，事關早喺2011年「陳嘉桓事件」，當時新婚嘅蔣麗莎大住肚都出嚟撐老公，一齊開記招道歉；如今呢件事比較起嚟實在係「蚊髀同牛髀」，相信佢哋可以共度患難。

撰文：黃蘊姿