胡杏兒拍《衝上雲霄》被吳鎮宇點醒 「我覺得佢見到我哋會翻白眼」

胡杏兒在1999年參選港姐入行，2003年演出劇集《衝上雲霄》Zoe一角，除了她，當時還有一班生力軍如吳卓羲、馬國明、黃宗澤、陳鍵鋒、葉璇，齊齊夥拍前輩吳鎮宇。胡杏兒接受好友陳敏之YouTube節目訪問時，自認當年演技很差，「我覺得自己做得唔好，好多（場口）都係喺鎮宇哥帶領下，教我哋點樣做。」

同場加映：鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="19.jpg"}}{{/hket:inline-image}}

《衝上雲霄》是2003年的無綫台慶劇，由吳鎮宇、馬德鐘、陳慧珊主演，其他演員還有胡杏兒、葉璇、吳卓羲、陳鍵鋒、黃宗澤、馬國明、胡定欣等等，最令觀眾印象深刻，是「Sam哥」唐亦琛（吳鎮宇 飾）梳了一個蛋撻頭，以及他與好友Vincent凌雲志（馬德鐘 飾）和Belle（陳慧珊 飾）的一段錯綜複雜三角關係，及後唐亦琛選擇退出，跟樂觀開朗的Zoe一起。

【飛虎之雷霆極戰】三兄弟自《衝上雲霄》後隔16年再合作 馬國明爆太呆被稱呼做「七哥」【下一頁】

陳敏之問：「其實你見到鎮宇哥驚唔驚？我覺得佢係一個偶像級。」胡杏兒回她：「又唔會話好驚，我覺得你尊敬佢、尊重佢，我諗佢驚見到我哋，多過我哋驚見到佢，因為我哋成班都好新，個個都唔識做戲，我覺得佢見到我哋會翻白眼，我哋真係好幼嫩（演技），我哋直情係每場戲點樣分析，呢場戲接唔接下一場都唔識㗎！」我好記得有次佢同我講，『你做咩咁開心望住我？你知唔知下場戲講咩？』我即刻呆咗，可能我淨係見到呢場戲我要開心，但其實我嘅底蘊仲有一個情緒，可能講我嚟緊要拒絕佢，我完全冇內心戲，劇本要我笑臉望著Sam哥（吳鎮宇 飾），我咪笑臉望住佢囉，我以前係一嚿雲！」她指《衝上雲霄》是令她開竅的一套劇。

{{hket:inline-image name="800_8ea984c3c3ef16840faa80fa42299e11saasftp20200221.jpg"}}{{/hket:inline-image}}

{{hket:inline-image name="800_8e6daa6c342ecc87f2f7726e3c83f785saasftp20200221.jpg"}}{{/hket:inline-image}}

{{hket:inline-image name="a0a079b3eb3749c7918ce064880b4001.JPG"}}{{/hket:inline-image}}

其實早年吳鎮宇受訪時，他曾表示沒認為他們的演技差，而是不熟讀劇本，開工時又不集中精神，他認為視帝視后，沒可能一步登天，要經過雕琢才能成大器。胡杏兒在2011年憑劇集《萬凰之王》的佟佳·沅宛角色獲封無綫視后。

陳慧珊邀杏兒宣萱做嘉賓 3大花旦世紀同框 拍攝新節目【下一頁】

{{hket:inline-image name="TUNGSTAR630139_600.jpg"}}{{/hket:inline-image}}

不過提到最辛苦，一定是增磅拍《肥田囍事》，胡杏兒說：「其實嗰陣時都擔心自己做唔到，Stephen（前無綫總經理陳志雲）好有遠見，佢想搵部機跟住我，由我第一日開始，但我拒絕咗，因為我嗰時好驚，好大壓力，好驚自己肥唔到，閉關咗個幾月，其實拍上一套劇開始，我已經開始食，靠食同瞓，記得我到131磅嘅時候，我係平台期，停咗喺度唔再肥，之後我就轉咗飲營養奶，嗰啲係醫院插胃喉嘅營養奶，唔好飲，好甜，我要飲一啖凍好立克沖落去。」陳敏之指她付出太大，沒有憑這套劇得到視后，的確有點可惜，胡杏兒說：「坦白講，我26歲時候嘅演技，係唔夠後面時候好，又唔能夠單純話因為我付出得多就畀個獎我。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】