聲夢傳奇｜Archie冼靖峰自認未夠料不妒忌炎明熹 曾因「沙士言論」被批：唔開心一定有

冼靖峰（Archie）參加《聲夢傳奇》而入行，甫出道便備受無綫重用，先後推出個人單曲及拍攝校園劇《青春本我》，早前又獲安排北上拍攝內地劇集《戀戀紅塵》，機會不斷。不過，相比炎明熹（Gigi），Archie仍需努力追趕，他表示從無妒忌對方，自認各方面都未夠好，會努力裝備自己，讓觀眾認同。

{{hket:inline-image name="skllme20220810107.JPG"}}{{/hket:inline-image}}

同場加映：鄭伊健爆被團隊勸服再開紅館騷 嘲太太蒙嘉慧：佢係強壯唔係肥

{{hket:ul-video id="6664"}}{{/hket:ul-video}}

現年24歲的冼靖峰，與炎明熹同是《聲夢》出身，Gigi參加《聲生不息》在中港兩地人氣急升，工作接踵而來，小小年紀已經名利雙收。問到Archie可有羡慕對方？「佢參加綜藝，我拍劇集，大家路向都唔一樣。我拍完內地劇，接觸多咗唔同嘅人，眼光擴闊咗，發覺自己好多嘢其實都未ready好，無論係唱功、演技、對答以至個人素養，我都未ready好，反而Gigi各方面都一樣掂。知道自己不足嘅地方，我會提升自己，希望得到觀眾認同。」

{{hket:inline-image name="228640596_1360915997642530_7109958516868507721_n.jpg"}}{{/hket:inline-image}}

Archie被外界讚有張敬軒影子，他感到十分榮幸，「佢係我偶像，視佢為學習對象，我會學佢唱歌，所以會有少少佢嘅風格，我同軒仔私底下都有聯絡。」早前軒仔開演唱會，邀請新一輩歌手擔任嘉賓，因Archie未有獲邀，令粉絲替偶像不值，在網上引起熱議。Archie透露曾私下聯絡軒仔，「因為我驚會影響佢開騷嘅心情，同佢講唔好意思，佢話無受影響。其實軒仔畀咗我好大鼓勵同支持，叫我最緊要做好啲作品畀人睇，我一直記住。」

另外，早前因「沙士言論」搞到滿城風雨，Archie指經一事長一智，「睇番以前啲訪問片段，覺得有啲語氣同用字都唔係太好，反省完我會去改善。睇到有啲網民留言好mean（尖酸），唔開心一定有，但條路仲有好長要行，一定會進步畀觀眾睇，呢個先最重要。」

聲夢傳奇丨冼靖峰笑03年出世係「沙士死剩種」 直播公開道歉認錯：唔夠成熟【下一頁】

攝影︰林良明

撰文︰倪小珊