防不勝防丨關寶慧遇郵遞騙案損失5位數字 受騙金額藏玄機：警方話日日有

有「鬼后」之稱嘅關寶慧（Emily）天生感應到靈體，一直以來都同靈體和平共處，Emily都未驚過，不過人就分分鐘恐怖過靈體。噚日Emily就喺社交平台分享自己遇到騙案，有心人裝冇心人，令佢蒙受損失，慘過撞鬼！

同場加映： Summer Girls丨張明偉陳思圻靠自己無悔離巢無綫 節目撼港姐：良性競爭先有火花

{{hket:ul-video id="6643"}}{{/hket:ul-video}}

Emily噚日喺社交平台post出自己喺警署嘅相片，嬲爆留言：「報案中！好㷫！網上假扮速遞呃錢！大家千祈小心，原來送貨失敗從不會用SMS通知再填form，再收運費！」佢仲嬲爆指騙徒「必遭天譴」。有網民問到佢當初點解送唔到貨，佢就回應：「假的！原來沒有這回事！冒認速遞網站。」

{{hket:inline-image name="edbc86b2-2f65-47b2-8dbf-8fbf0ab99ec1.JPG"}}{{/hket:inline-image}}

《晴報》就事件訪問Emily，佢就大方分享經歷，希望以過來人身分警惕大家免墮陷阱。Emily憶述自己十幾日前首次喺美國網站購入約千元港幣嘅營養保健品，而貨物就約莫會於4至6周運抵。不過噚日（28日）Emily就突然收到一個短訊，指前日（27日）送貨失敗，並於短訊附上一條連結要求佢從頭登記：「嗰條link本身有個貨嘅number，咁我冇對到係咪我order，都唔知佢經邊一間速遞。咁我就以為可能（啲貨）早到咗，咁我就撳入條link睇吓個發貨時間，佢個發貨時間好工整，由9月22日開始，我唔知佢點追蹤到，定佢作啲時間，直到28日佢就話要從頭填過名、地址、電話。」

Emily不虞有詐，當佢進一步了解時就跳到去一個疑似假冒「DHL」（國際知名速遞公司）介面，當佢填完所有個人資料之後，系統告知佢貨物將會於下一個工作天送到，不過就因為呢個情況要多收佢$12.277嘅費用，Emily都未有理會呢個金額係以美金定係港元支付。當佢用信用卡成功過數時，先發現出事：「同一時間我收到信用卡訊息，指我有一筆$12,277嘅交易，我即刻成個彈起，心諗係咪佢哋打錯，我打去信用卡中心問。」信用卡中心確認佢係扣咗$12,277呢個款項，Emily始知被騙，卡中心即時幫佢停用信用卡，Emily亦前往報案。

Emily指警方表示呢類騙案日日發生，而佢損失嘅金額亦有「玄機」：「呢個價錢係用嚟買iPhone，警方叫我點收唔到嘢（包裹）都好，一定有方法聯絡到你，一定會打電話畀你。老土啲香港郵政就會擺張卡畀你，唔會無端端畀個訊息，畀條link你，係一定唔會發生，我咪嬲到死囉！」Emily事後再打到信用卡中心查詢，信用卡中心透露「騙徒」係一間埃及嘅公司，係專門用作行騙。

Emily指分享事件希望可以幫到大家「避過一劫」：「佢成個介面好像真，普通市民係唔會懷疑，咁啱我真係等緊包裹，所以就中咗招。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】