Summer Girls丨張明偉陳思圻靠自己無悔離巢無綫 節目撼港姐：良性競爭先有火花

張明偉和陳思圻（前名：陳偉琪、Vicky）為香港開電視節目《Summer Girls》首次合作擔任主持，雖然過往曾經同是《愛回家之開心速遞》的演員，不過從未試過同場，今次難得做拍檔，感覺非常有默契兼火花十足。兩人先後腳離開無綫展開全新旅程，他們表示從沒半點後悔，反而期待未來更多的可能性。

{{hket:ul-video id="6643"}}{{/hket:ul-video}}

香港開電視全新節目《Summer Girls》今晚推出，標榜水著性感選美騷，力撼同晚直播的TVB《2022年度香港小姐競選》，志氣高不特止，更是邀請到離開無綫不久的「脫無者」張明偉和Vicky擔任主持，新鮮的選美題材加上有趣的配搭，令觀眾都大感期待到底「咩葫蘆賣咩藥」？

{{hket:inline-image name="DSC02235.jpg"}}{{/hket:inline-image}}

{{hket:inline-image name="DSC02231.jpg"}}{{/hket:inline-image}}

《愛回家》細龍太丨陳思圻憶遭鹹濕製作人辦公室索吻 冇諗過搵堂兄Frankie搭路去ViuTV【下一頁】

Vicky表示以往經常做主持，不過今次節目連程序都不需要跟，非常自由自然去做，「因為拍攝想保持神秘感，連主持人都唔知下個環節點玩法。我同張明偉火花一定有，以往喺舊公司化妝間見到佢，完全冇認識過，頂多都打個招呼就算。一直以為佢『Kai Kai地』（傻傻），點知識落原來仲『Kai』，但好開心，因為我同佢都好真摯，成日傾大家入行辛酸史，好有共鳴！」張明偉笑言整個節目只有他一個男生，跟選美完全風馬牛不相及，「好多人問我係咪收買咗監製，我都唔知點答，總知在心中啦！而家我變咗犯眾憎，一個人面對咁多靚女！」

Vicky曾經揚言不會被外間的審美眼光而局限自己，她認為最重要是健康美，而並非一味「瘦」，面對14位來自不同背景的性感女生，她說比較著重她們的個性：「我覺得性感唔需要點定義，自己覺得靚就著出嚟，今次呢個節目冇分冠亞季軍，正正因為每個人審美眼光都唔同，各花入各眼，我問身邊朋友鍾意邊個參賽者，幾個人答嘅答案都唔同！」而張明偉指參賽者中位位都是IG女神，質素非常高，最推薦是傾偈環節，透露他們的話題非常大膽。

Summer Girls 2022丨張明偉與陳偉琪「合體」做主持 面對性感比堅尼：我工作就係要望【下一頁】

{{hket:inline-image name="DSC02238.jpg"}}{{/hket:inline-image}}

{{hket:inline-image name="DSC02247.jpg"}}{{/hket:inline-image}}

{{hket:inline-image name="DSC02241.jpg"}}{{/hket:inline-image}}

提到14位參賽者的身材都非常出眾，上圍相當豐滿，問到節目會否測試她們是否「僭建」或「加工」？Vicky說：「最緊要靚同自信，其他唔係考慮，我覺得每位都好靚、好自然。講真就算平時選美都會加墊啦，有時係為晚裝承托得靚啲啫！」問到今次打正旗號要挑戰無綫的港姐，同樣是港姐出身的她說：「冇諗過要較勁，只係為節目做到最好，呢段時間香港好多人冇得去旅行，睇呢個節目，大家開心最重要！」張明偉說：「設喺9月25日同一日播，我覺得良性競爭係好事，咁樣先有火花，大家選擇睇自己鍾意嘅風格同女性！」

兩位被形容為「脫無者」，張明偉說離開舊公司後工作安排更加多彈性，而且體驗更多人生，「除咗拍片同幕前工作，我仲兼職做埋裝修，有時日曬雨淋曬黑咗唔少，多咗一份歷練。的確有時會掛住以前嘅同事同朋友，但每人都有新章節要展開！」而Vicky直言一直以來都以司儀工作為主，但疫情三年多以來大型晚宴幾乎歸零，她都有打算另覓出路，「有得拍呢個節目，畀機會我同大家Say個Hi，我已經好開心，將來有機會拍旅遊節目或者拍戲就好啦！」

髮型：Ryan Leung@Saloon Roarguns (Pacific Place) (陳思圻）

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉