MIRROR演唱會意外丨李啟言父與舞者們見面相擁 憔悴So Ching瘦至皮包骨現身

人氣男子組合MIRROR紅館演唱會，第四場發生嚴重事故，巨型LED屏幕突然墜落，壓傷兩名舞蹈員李啟言（阿Mo）和張梓峯（阿峯），阿Mo現時仍在伊利沙伯醫院神經外科病房留醫，情況由嚴重轉為穩定；至於阿Mo女友、COLLAR成員蘇芷晴（So Ching）一直對男友不離不棄，除了停工之外，更不時在IG出post，隔空為阿Mo打氣，「It’s okay to be not okay，but it’s not okay to give up。」阿Mo爸爸李盛林牧師曾在代禱信表示感激So Ching陪伴阿Mo，成為上帝以外，兒子的極大支持。

同場加映：炎明熹參加《聲生不息》贏經驗賺友情 辛苦兼顧學業工作

{{hket:ul-video id="6546"}}{{/hket:ul-video}}

{{hket:inline-image name="246797768_1015494152456039_8369319580708174886_n.jpg"}}{{/hket:inline-image}}

{{hket:inline-image name="246211524_1193469551475750_6743368101080726587_n_600.jpg"}}{{/hket:inline-image}}

阿Mo爸爸李盛林牧師早前在第八封代禱信中，提及他和阿Mo哥哥決定剷短頭髮，望令阿Mo知道他並不孤單；更表示較早時間與阿Mo同行的舞者們會面。部分舞者昨晚在IG post了當晚見面的相片，從照片中所見，戴上眼鏡、黑色口罩的So Ching，樣子帶點憔悴，而阿Mo爸爸就剷短頭髮，並與舞者相擁。So Ching在IG限時動態轉載當晚的照片，hashtag了「wemissyouall」。

{{hket:inline-image name="8.JPG"}}{{/hket:inline-image}}

MIRROR演唱會丨被壓傷舞蹈員疑為SO CHING男友 四場演出意外頻生 Edan發黑圖表達憤怒【下一頁】

現時仍要接受密集式治療的阿峯，當晚亦有現身，他與阿Mo爸爸相擁時，兩人盡在不言中，阿峯今日在IG出帖留言：「災難發生咗差唔多2個月...我同我哋咁多個人仲等緊一個真相...之前終於有一個機會見到阿Mo嘅屋企人，見到阿Mo爸爸嘅嗰一刻，我內心好複雜，我覺得自己因為當時無能力再救阿Mo多一步而充滿內疚，同時望住佢哋屋企人同蘇晴（So Ching）心力交瘁嘅樣而覺得心痛...我好想同佢講一聲『對唔住，我當時救唔到阿Mo...』每日當我起身、食飯、睇醫生...好似一個正常人嘅時候，我都會突然諗番依然喺醫院嘅阿Mo，然之後當晚所有嘅場景就會喺我眼前面重新再發生一次，我每一次都要眯埋雙眼耷低頭調整自己嘅呼吸先至可以令到呢個畫面暫時停低，我係咪真係可以當無事發生...如常生活...？最近喺我書包發現阿Mo個演唱會pass...我見到嗰一刻個心好難受，感覺好空洞，好似隔咗好耐咁，但係一眯埋眼又好似噚日發生嘅事，我有時見到熟人問候我，我都會覺得變成一種無形嘅壓力，因為每次有人一問候我，我就諗起出事當晚嘅所有場面...最近，每一日嘅治療，身體嘅痛楚令我睡眠質素同精神都好差，處理日常生活嘅嘢都未處理到，但係我會繼續努力，好快會親身交代番我自己嘅情況...之前大家嘅關心未能一一回覆交代...希望大家體諒，之後一步我會慢慢同大家講。阿Mo，你要振作，我哋都好掛住你，好想陪住你！！！」

MIRROR演唱會丨李啟言父母抵港將到醫院探望 23名舞蹈員發聯合聲明澄清四點【下一頁】

{{hket:inline-image name="308076861_832683564555471_5156277287027716264_n.jpg"}}{{/hket:inline-image}}

{{hket:inline-image name="243769.JPG"}}{{/hket:inline-image}}

舞者Terry指So Ching瘦到皮包骨，「因為疫情，到現在都不能親身到醫院見Mo一面，因為災難，Mo的將來變得不知所措，難以面對，見到Mo家人，知道更多Mo的狀況，令人沉重非常，心痛至極，見到So Ching瘦至皮包骨，疲態盡現，亦都心感無力，那一，我們能做的只係給予擁抱，和表達支持，因為我們冇人能感受他們的感受，面對的處境，尤其仍在病床上身心都掙扎的Mo，對於一切的困難都係不能夠想像的，只希望自己一丁點的力可以畀到最大的支持同能量他們，也希望大家可以繼續給予他們最大支持。」

MIRROR演唱會受傷舞蹈員丨李啟言長期戴頸箍未能離開呼吸機 父慨嘆：95%不能完全康復【下一頁】

在綵排時受傷的舞者羅德智（Zisac）在IG留下「55days x 24hrs = 1320hrs」，他指這是阿Mo受傷後，每天看著天花板的時間，他還留言道出今次與阿Mo爸爸及So Ching見面的感受：「呢個擁抱對於我嚟講有極巨大意義，唔係我帶畀牧師一份關心或者安慰，係調番轉一個爸爸對我嘅支持，而且呢一位爸爸嘅兒子仲喺病房嘅時候，佢畀咗一道咁強大嘅力量我，我去見佢之前，我以為自己已經準備好為佢哋一家人提供一份支持，即使係幾渺小嘅力量都好。但當我見到佢哋，我就知道，我未，我身體嘅痛楚會慢慢消失，但係我個心仲係好痛。我同佢嘅兒子唔算認識咗一段好長嘅時間，合作嘅次數亦都唔多，但一個團體，我親眼目睹成員受到咁災難性嘅傷害，作為一個人可以唔心痛咩，多謝牧師係自己情況咁差嘅時間都帶畀我安慰，多謝牧師，啟言爸爸。我知道呢個小女孩好耐，談唔上叫認識，我見到呢個女仔喺一段咁短嘅時間被迫成長變成一個堅強嘅大人，多謝你嗰日嘅鼓勵，希望你能夠好好過生活。多謝So Ching。我成日都諗，我口渴可以飲水，我肚餓可以食飯，我急可以去洗手間，我熱可以開冷氣，我覺得悶可以見吓朋友落街行吓，就算我想跳舞，我忍住痛，我都可以跳。但係啟言嘅世界有幾多『唔可以』，我為我嘅健康，為我重回生活感到內疚，呢件事就算淡到咩地步都好，對相關嘅人都會有永不磨滅嘅印記…你一定可以起返身。」

{{hket:inline-image name="298149142_1452396478531088_4619328510484099798_n.jpg"}}{{/hket:inline-image}}

MIRROR演唱會受傷舞蹈員丨李啟言父兄齊剷頭髮以示支持 張敬軒憂心張梓峯患創傷後遺症【下一頁】
舞者Angus在IG留言：「自從演唱會第一天完結在後台和So Ching見面後，事隔大約一個多月才能見面和交談，期間真的非常擔心她，看著她神情低落只感到哽咽難言，知道她原來都在擔心我們令我更痛心，唯有可以做的只有互相擁抱，給予大家力量。記得當天李牧師和家人交代Mo的情況和整個災難的詳細經過時，感到悲痛欲絕，大家情緒都非常激動，除了哭和互相扶持，我們做不了甚麼，非常無助。最後大家一起為Mo去禱告，其實我們最希望的只有Mo能完全康復，一起繼續走下去！辛苦了So Ching和Mo的家人，大家都會支撐著你們的。Mo，大家都很想念你，we are all here for u！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】