星星的約定丨阿嬌飛德國被懷疑從事非法活動 被扣留調查：因為我們年輕又美麗

現年41歲嘅鍾欣潼（阿嬌）近年不斷被網民批評身材走樣，早前為參加內地節目《乘風破浪的姐姐3》積極減到45.5公斤，狀態大勇嘅佢已回復靚樣兼fit爆身材。不過原來靚都為阿嬌帶來麻煩，早前阿嬌喺內地節目《星星的約定》中，表示試過因為個樣，去到德國時被扣關。

同場加映： 炎明熹參加《聲生不息》贏經驗賺友情 辛苦兼顧學業工作

{{hket:ul-video id="6546"}}{{/hket:ul-video}}

 
阿嬌於節目中分享自己最深刻嘅旅遊經歷，佢提到自己有一次到比利時參加朋友的婚禮，途經德國轉機時被扣留，佢表示：「就因為我們年輕又美麗，他以為我們去做一些不合法的東西。」阿嬌指之後有同對方表示自己係有錢嘅名人，但對方就一直將佢，而且調查咗好耐：「我是趕飛機的，又沒食物、又沒房間、又沒飛機，又給人扣關，真的是倒霉鬼上身。」

{{hket:inline-image name="20220919001053_1_1663517453.png"}}{{/hket:inline-image}}

翻查番紀錄2015年阿嬌去比利時係出席好姊妹內地女星李小冉嘅秘密婚禮，7年前34歲嘅阿嬌比而家更加索，可以話係佢嘅顏值高峰期，唔怪次得佢可以咁自信話係因為佢「年輕又美麗」啦！

阿嬌呢句說話引起網民熱烈討論，研究阿嬌所講嘅不合法活動係咩，留言：「係咪講賣淫？」、「係咪搵啲靚女嚟做女間諜。」又有唔少人都讚同佢的確係由細靚到大：「咁阿嬌又真係幾靚。」、「零死角美女，真係百年一遇。」不過唔少網民都話阿嬌講嘢一如既往咁冇邏輯：「靚還靚，犯法還犯法，如果覺得佢從事不道德工作都唔關靚唔靚事啦。」、「外國人唔會覺得呢種樣嘅亞洲女性靚，其實只要目的係旅遊嘅後生亞裔女性、入境時得自己一個，都會有呢種待遇。」雖然大家對佢被扣原因存疑，不過都冇人反對阿嬌係靚呢個事實呀！