張智霖抗日神劇被翻出重煲 水中徒手推過千磅魚雷極荒誕

張智霖(Chilam)近年長駐內地，更加係綜藝常客，與陳小春等人喺《披荊斬棘的哥哥》被稱之為「大灣區哥哥」，極受內地群眾歡迎。不過其實Chilam初時到內地係以拍劇「起家」，近日有內地網民更翻睇Chilam嘅劇集，其中一套抗日神劇《終結杉計劃》劇情極為荒謬，令Chilam都變得！

同場加映：一路瞳行丨吳千語經歷反叛期母女關係更好 與施伯雄感情穩定：我唔會放閃

{{hket:ul-video id="6545"}}{{/hket:ul-video}}

內地以二戰抗日為題材嘅劇集多不勝數，之前曾經有一套劇以「我爺爺八歲時比日軍殺死」出名，今次Chilam呢套劇都「不遜」於佢！Chilam主演嘅《終結杉計劃》已經面世9年，係根據內地作家胡萬春嘅長篇小説《蛙女》改編，講述了七七蘆溝橋事變前夕，日軍啓動「杉計劃」印發偽鈔以打擊中國經濟。

{{hket:inline-image name="s640x360.png"}}{{/hket:inline-image}}

而全劇嘅「爆點」就係大結局，Chilam同女主角蛙女追截日軍船隻，佢哋嘅親人揸住舢舨咁細嘅漁船趕到，仲話搵到魚雷，魚雷就橫放喺漁船上面，完全違反晒地球嘅物理常規！之後Chilam同蛙女上船繼續追殺日軍，雙方喺海上駁火，更荒謬嘅事情發生，Chilam同蛙女將魚雷推落海再跳埋落水，2個人推住魚雷接近日軍船隻，魚雷更自行啟動摩打，最終炸爆日軍船隻。

其實一支魚雷閒閒哋都幾百公斤，翻查資料，中國60年代用嘅魚三型魚雷更重達1300公斤，睇怕Chilam都要係大力菜先搞得掂！另外，駁火期間子彈橫飛，魚雷都冇中彈，真係難中過金多寶呀！網民都熱烈討論劇集：「真係侮辱智慧。」、「當係cult片咁睇其實都ok！」、「Chilam係咪真係好等錢使？」。