戒煙12年丨Angelababy疑被密友偷拍出賣 吞雲吐霧食相「老江湖」網民負評

Angelababy（楊穎）一向都仙氣滿滿，就算生咗b都依然少女感十足，仍然係唔少人心目中嘅女神。不過日前佢疑被密友出賣，食煙嘅影片段喺微博瘋傳，再次令到佢形象受損。

同場加映： 娛樂 • 《愛回家》書蟲疫市中環開餐廳 森林系主題望Chill住重振夜生活

{{hket:ul-video id="6509"}}{{/hket:ul-video}}

{{hket:inline-image name="001N98C6ly1h61bugkfvbj61w92qbtcz02.jpg"}}{{/hket:inline-image}}

片中見到Angelababy似乎正同一班朋友聚會，當時佢放鬆晒咁盤腿坐櫈，右手夾住一支煙，輕輕戥煙頭之後再深深咁吸咗一啖，睇起嚟佢「抽的是寂寞不是煙」，有一種「老江湖」嘅唏噓感覺。而Angelababy因為食煙姿勢十分老練，掀起網民熱烈討論。

有人認為食煙同佢平日嘅形象好唔襯，又指令到佢仙氣盡失：「感覺就像東門路邊的阿姨。」、「整個就是大扣分。」、「感覺就會有很 大煙味，牙齒都黑黑的吧！」不過都有唔少人表示見怪不怪，Angelababy早喺2008年已經被影到吞雲吐霧，12年前已經揚言戒煙。有網友表示好欣賞佢私下放鬆毫無防備嘅自然模樣，留言：「抽煙也好美只有她做得到」、「其實很平常，明星也是個人」。

而事件另一個焦點就係baby明顯被朋友出賣，網友認為影片似乎係在場人士流出，而且拍攝角度就正正坐於Angelababy對面嘅人所拍，網友紛紛提醒佢「慎選朋友」。不過其實，最緊要係Baby食少啲，身體都健康啲啦！