應采兒細仔Hoho男生女相似妹妹 網民促追多個：滿足陳小春生女夢

結婚多年嘅應采兒同陳小春育有2子，2013年誕下大仔Jasper後再於2年前誕下細仔Hoho，近年夫妻二人都喺內地發展演藝事業，而大仔Jasper自從參與親子真人騷《爸爸去哪兒》後，一家生活都備受外界關注。日前應采兒喺社交平台Post出細仔中秋時拍嘅片段，兩歲嘅Hoho男生女相，唔少網民都大讚佢可愛呀！

同場加映： 《愛回家》書蟲疫市中環開餐廳 森林系主題望Chill住重振夜生活

{{hket:ul-video id="6509"}}{{/hket:ul-video}}

{{hket:inline-image name="75a18d55660148efa64aaae662b1c8eb.jpeg"}}{{/hket:inline-image}}

應采兒罕有post出小兒子Hoho身上，長大不少嘅Hoho留咗長頭髮，長相相當秀氣，眼圓圓嘴細細，而且比較瘦削，皮膚白皙，乍看之下好似女仔。細細粒嘅Hoho不停眈天望地，似乎對所有嘢都好好奇，跑跑跳跳勁活潑，又不時展露出天真無邪嘅笑容，真係畀佢電暈。

唔少網民話見到Hoho仲以為係女仔，仲話應采兒同陳小春當Hoho係女咁養，真係恨女恨到出晒面，網民留言：「妹妹好可愛，都長這麼大了。」、「真像個女孩子」、「哇！好漂亮，終於有比較像多一點媽媽了。」、「滿足春哥的女兒夢。」其實早喺拍攝《爸爸去哪兒》嘅時候陳小春已經對劉畊宏嘅可愛囡囡「小泡芙」特別疼錫，相比起佢對Jasper嘅嚴厲，對小泡芙簡直係公主級嘅對待。網民都催佢兩公婆快啲追多一個女「圓夢」，而應采兒嘅美女基因都得以遺傳咁話！

另外，已經年滿9歲的大兒子Jasper越長越高，目測身高已去到媽媽肩膀位置，面上都冇晒baby fat，少咗幾分稚氣，仲似多咗爸爸陳小春。

圖片來源：抖音