謝婷婷「跣手」首次公開囡囡正面 純正黃種人冇混血還「鷹眼」公道

謝婷婷三年前突然公布誕下囡囡Sara一百日，之後嘅日子都留喺加國專心湊女，不過囡囡生父嘅身分一直都好神秘，亦從未公開過囡囡嘅樣貌，唔少人都猜測囡囡生父係外國人。日前婷婷生日，佢首次「公開」囡囡嘅正面，解開囡囡嘅身世「謎團」。

同場加映：勁歌金曲︳ 陳曉東禁女兒10月來港睇爸爸開騷 陳柏宇爆囡囡公主癌病發被「抦」

{{hket:ul-video id="6489"}}{{/hket:ul-video}}

{{hket:inline-image name="305814437_626762808817481_993898086038053053_n.jpg"}}{{/hket:inline-image}}

謝婷婷2019年秘密產女，Sara日漸長大，婷婷不時都會同大家分享女兒嘅生活點滴，但一直只分享囡囡嘅側面或背影照，即使有正面相亦一定會用圖案將囡囡樣貌遮住。日前係婷婷嘅40歲生日，佢上載連日來同好友嘅慶生照片，當中有囡囡浸在浴缸玩鴨仔、兩母女錫錫相，仲有同友人嘅大合照，婷婷將每張有女兒入鏡嘅相都貼上圖案遮住，但其中一張同長輩嘅聚會照卻未有「加工」，Sara嘅可愛笑臉終於曝光，但婷婷隨即再於相中女兒臉上加上花花圖案，疑只係一時「跣手」公開女兒真面目。

之前曾盛傳Sara嘅生父係外籍人士，而同婷婷傳過緋聞嘅美國荷里活影星「鷹眼」謝洛美維拿（Jeremy Renner）亦曾係囡囡生父嘅「嫌疑人」。不過婷婷粉碎咗女兒生父係外籍人士嘅傳聞，因為囡囡係正宗「黃皮膚」，三歲嘅Sara手長腳長，仲同媽咪成個餅印咁。Sara仲係sweet到爆嘅mommy's girl，捧住一大束鮮花送畀媽媽，不過多張相片中始終見唔到婷婷嘅伴侶，非常神秘呀！

圖片來源：Facebook