52歲李綺虹甫色斑「紅疹」大頭照 大方承認女人「禁忌」：更年期問題

現年52歲嘅李綺虹，於2004年與外籍男友結婚後已經逐漸淡出幕前，專心相夫教子，其後於2008年復出，回巢TVB參演由黃子華、佘詩曼的《絕代商驕》，翌年再接拍《老公萬歲》便再次約滿離開。久未喺幕前露面嘅佢日前罕有update社交平台post出大頭照，見到佢有好大嘅變化！

同場加映：星格BOSS丨《愛回家》林浩文疫市中環開餐廳 森林系主題望Chill住重振夜生活

{{hket:ul-video id="6509"}}{{/hket:ul-video}}

李綺虹Post出嘅相片非常近鏡，而且係真正嘅零化妝同零濾鏡，見到佢嘅面珠有唔少雀斑，眼袋下、頸部同額頭都有皺紋，下巴同人中位置仲驚現紅疹。有朋友擔心李綺虹，就留言問佢係咪有皮膚敏感情況，不過李綺虹就大方表示佢覺得係更年症導致嘅問題。李綺虹對唔少女人嘅年齡「禁忌」更年期直認不諱，唔少網民都大讚佢可愛，貫徹當年嘅鬼妹仔爽直性格，又覺得佢純天然零加工嘅外貌好自然，優雅地老去比起「整色整水」更加得人鍾意！

{{hket:inline-image name="20210715135010_3_1626328210.png"}}{{/hket:inline-image}}

婦女到咗更年期卵巢功能退化，女性荷爾蒙逐漸減少，進而對皮膚油脂腺嘅分泌及毛髮造成影響，女性皮膚不像男性油脂分泌較多，皮膚缺水又沒有油脂滋潤，便會出現明顯乾澀、乾癢，甚至起紅疹現象。

李綺虹1994年以24歲之齡參加香港小姐，憑著可愛純真嘅魅力、直率真誠嘅對答，成為了不少觀眾心中熱門人選。李綺虹比賽中亦愈戰愈勇，先後喺泳裝問答環節、互考口才環節、及搶答比賽環節中表現鬼馬，加上於加拿大長大說話有外國口音，令人印象深刻。

贏得季軍同最受傳媒歡迎獎後李綺虹火速入劇組，率先在當年的台慶劇《阿SIR早晨》擔正女主角演出。李綺虹其後兩年間共拍了6部劇集，轉往電影圈發展。李綺虹更曾透露自己曾經因為家族遺傳及工作壓力而患上抑鬱症，前後共花費9個月時間康復，其後更曾於加拿大皇家內陸醫院任職精神科護士。