徐淑敏老公50歲生日「壯志凌雲」 三公主遺傳最濃厚黃浩基因

現年37歲嘅徐淑敏（現名徐菁遙Suki）2009年同富商黃浩結婚，雖然婚後已淡出娛樂圈，過幸福少奶奶生活，不過先後誕下三個寶貝女嘅佢仍不時會喺社交平台更新日常生活點滴。日前係黃浩嘅生日，Suki就為佢準備咗一個以電影《壯志凌雲》為主題嘅生日派對，仲罕有post出同三個囡囡嘅合照，唔少網民都驚嘆黃浩基因嘅強勁。

同場加映：好聲好戲丨蘇韻姿隻身來港下苦功甩鬼妹口音 自責未能陪伴媽媽：我情願佢鬧我

{{hket:ul-video id="6463"}}{{/hket:ul-video}}

日前係Suki老公黃浩嘅50歲生日，Suki每年都會悉心為每名家人準備生日會，今年亦唔例外，佢喺社交平台上載多張靚相，留言：「祝老公50歲生日大快樂！」相中見Suki同3個囡囡都着上飛行員嘅制服，大女Vianna留有一把長髮，亭亭玉立嘅佢着上高踭boot只係矮爸爸半個頭，越大越靚女；而二女就紮起頭髮仲有少少baby樣，明顯冇家姐咁識擺pose；至於三女就係最似爸爸嘅一個，雖然佢得8歲但就留有一把成熟嘅長曲髮，仲同媽媽一樣着上長及膝上嘅boot，chok晒擺pose嘅佢側面簡單係爸爸嘅餅印，霎眼睇仲以為係改圖將黃浩P上去。

{{hket:inline-image name="305202923_434261392012706_6144520542661521771_n.jpg"}}{{/hket:inline-image}}

唔少人都話3個女都似足晒爸爸，似到令人驚嘆基因嘅奧妙，網民留言：「係Ctrl C + Ctrl V」、「失散咗都搵得番」、「真係唔使驗DNA都知邊個係爸爸」、「連徐淑敏同黃浩都越嚟越似樣，真係有夫妻相呢樣嘢」。而另一個重點就放咗喺完全冇走樣嘅Suki身上，着上迷你裙嘅Suki騷出長腿，身材同樣貌都係十年如一日，完全唔似三孩之母，充滿少女感。

2009年Suki同大佢12年嘅富商黃浩認識，兩個月後二人奉子成婚，翌年3月15日誕下長女黃心瑤（Vianna）；2011年5月Suki再次懷孕並誕下次女黃心柔；2014年第三度懷孕誕下幼女黃心誼（Isabella）。