星光路上︳胡諾言同陳琪拍《九五至尊》定情 喺TVB樓梯位因一個動作過電

現年45歲的胡諾言入行初期目標做歌手，後來加入無綫做主持及演員。胡仔這次接受TVB娛樂新聞台主持人潘盈慧訪問，分享多年來拍劇的點滴，當中最為人所津津樂道，就是2003年同老婆陳琪拍《九五至尊》過電，於2009年拉埋天窗，育有兩女一子，一家五口很幸福。

{{hket:inline-image name="09061003.jpg"}}{{/hket:inline-image}}

胡諾言

{{hket:inline-image name="800_d15cc0572c457b5f12ec7f85d2ef28f2.jpg"}}{{/hket:inline-image}}

同場加映：好聲好戲丨蘇韻姿隻身來港下苦功甩鬼妹口音 自責未能陪伴媽媽：我情願佢鬧我

{{hket:ul-video id="6463"}}{{/hket:ul-video}}

胡仔稱小時候志願是做消防隊，因為爸爸是消防隊一員，一心將來能夠繼承衣缽，可惜事與願違，「我無心插柳之下參加咗歌唱比賽，又好好彩贏咗，跟住推薦去國際唱片公司，當時嘅配套幾好，但環境同翻版問題，加上可能自己唔係把握得咁好。做唔到歌手，有喺電台做過，又試過為廣告配音，都做過好多工作，想樣樣都試。好記得以DJ身分去到錄音室，以前係去唱歌錄音，而家係去訪問某某歌手，個心係幾唔開心，不過始終係一個成長經歷。」

陳琪被邀「相睇」問網友著咩衫好 胡諾言勁緊張：你block咗佢未？【下一頁】

提到早期在無綫主持《週末任你點》及《翡翠音樂幹線》等，他說：「做咗主持有8至10年，嗰時做《兒歌金曲頒獎典禮》，有機會同肥姐（沈殿霞）合作，當時下午綵排，我哋唔係好有信心，跟住肥姐話『嚟我屋企啦』，去到肥姐唔單止記晒我哋啲稿，仲教埋我哋點走位，真係學到嘢。」後來他向監製自薦拍劇，擴展演藝事業，2003年在《追魂交易》內第一次獲得有戲份的角色，但就發生了一些事情，胡仔憶述：「記得有場戲喺沙灘，準時、熟讀對白呢啲基本嘢就一定做足，問題係走位唔係好識，當其時有個幕後同事，我知佢係冇心嘅，佢真係講『你以為自己真係劉德華呀』。（不開心？）聽落係有少少唔舒服，咁多年自己都記住，多謝當年佢咁樣提我，可能自己經驗唔係好夠啦，咁就要更加虛心去學習。」

胡諾言12歲大女被讚越大越靚女 8年前拍《爸B也Upgrade》【下一頁】

另一齣深刻難忘的劇集是《九五至尊》，這是他同老婆陳琪定情之作，二人飾演姊弟卻又成功過電？胡仔笑說：「有時愛情好難解釋，當時拍攝時有啲休息時間，大家就坐喺樓梯位傾偈，可能拍到好夜有啲攰，佢就挨咗落我膊頭度，就係呢吓電到我嘞！（拍《肥田囍事》時要增肥？）最辛苦我係瘦底嘅人，點樣短時間增肥？諗住一路食嘢落去，但係我食極都肥唔到，好有挫敗感，情緒掹得好緊，feel到自己有少少情緒病，後來就飲補充奶，增肥效果好好多。」

（↓點擊放大睇圖片↓）

家庭方面，胡仔同陳琪婚後育有兩女一子，兩公婆各有位置，「家中，我就好似訓導主任，永遠我做醜人，老婆就話『算啦！由佢啦！得嘞，冇嘢！』老公老婆角色永遠都係咁樣，一個係好人，一個係衰人。我可以好投入、專注照顧小朋友，但係點樣啟發佢哋做人嘅態度？或者喺知識領域點樣提高？我覺得係一路學習，唔希望我嘅仔女有我嘅缺點，當見到佢哋身上有我啲唔好嘅嘢，會盡量幫佢哋戒除，或者趁小朋友仲可以控制得到，好好教好佢哋。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】