全職爸爸 ︳社工辭職做湊仔公8年 全職爸爸：錢換唔到經歷

現代社會鼓吹男女平等，但「男主外、女主內」仍是華人地區主流。80後港男Derek原本享受任職社工使命感，成為人父之後卻因自感對新生命責任重大，毅然決定辭職做全職「湊仔公」。面對現實經濟問題，他坦言曾試過懷疑自己以至遷怒太太，可幸夫妻最終都能夠透過溝通明白雙方感受，令他更珍惜無法用金錢衡量的親子時光。

自覺育兒責無旁貸 80後港男辭任社工全職湊仔

80後的Derek曾經是一名社工，準備結婚時轉到一間非牟利機構任職，工作內容多與青少年有關，例如到學校做講座又或者籌備各項體驗活動。無獨有偶，Derek兩夫妻工作同樣與教育有關，太太於中學任教英文，平均日做11小時工作甚繁忙，薪酬雖看似較高但箇中辛苦外人難以明瞭，

「太太工作算係好忙，忙到連病假都請唔到，想請個長假陪屋企人就更難。」

至大約8年前，Derek的家庭準備迎來一個新生命。他直言社工與NGO工作為他帶來莫大滿足感與成就感，自己亦對享受與同事及學生們相處，故起初打算將囝囝交由嫲嫲照顧。然而想深一層，Derek兩夫妻不約而同覺得照顧與管教子女責任不應假手於人，

「唔係話請工人或者由長輩照顧唔好，而係既然呢個生命係由我哋帶來世上，就好應該自己照顧，呢個係為人父母嘅責任。」

自言性格內向 感激「四大長老」開明支持

夫妻間其中一方要辭職全職湊仔，Derek坦言起初內心多少有所掙扎，亦與太太多番商量，最終決定由他做「主夫」擔起照顧兒子重任；有此決定一方面是由於經濟考量，同時亦是兩夫婦性格使然，

「可能因為工作關係，太太性格其實比較剛烈，反而我個人就比較隨意同埋內向，所以最終就決定由我嚟照顧囝囝。」

傳統傾向「男主外、女主內」，Derek要放棄事業做「湊仔公」多少會有心理壓力。他坦言感激外父外母對二人決定甚為支持，相對地自己母親就會擔心家庭經濟壓力要由新抱獨力承擔，對此Derek多少亦有同感，

「做全職爸爸之前其實都做好心理準備，但到真正發生後又有另一種感受。」

因零收入懷疑自己 感激太太包容分憂

辭職意味著「零收入」，對此Derek直言以為自己做好心理準備，兩夫妻婚後亦設立聯名戶口，太太每月出糧後都會存入特定金額作為家庭日常開支，然而當太太成為家中唯一經濟支柱，身為男士的Derek亦不免懷疑自己，甚至在生活細節上變得吹毛求疵，最終不自覺地將家庭化為自己的「戰場」，

「曾經有段時間覺得自己地位被挑戰，情緒好繃緊。好在太太會提醒我照顧家庭嘅工作並非用錢可以衡量，情緒都總算平復返。」

作為全職爸爸，Derek幾乎要打理所有家頭細務，同時照顧妻兒一日三餐，親子關係亦較一般在職爸爸密切。談到對兒子未來期許，Derek坦言未來難料，未敢代替兒子訂立具體人生目標，只希望兩夫妻能夠做好「避風塘」角色，讓兒子長大後可以自由探索世界，發掘意義。對太太，Derek指要感激另一半對自己決定做全職爸爸的支持，以及包容自己性格缺點，心中「除了感謝還是感謝」。

一方面要打理全屋家頭細務，同時又容易被人誤會毋須上班工作輕鬆，Derek自言全職爸爸媽媽多是有苦自己知，但亦希望同路人明白照顧子女路上並不孤單，認為只能能夠陪伴子女成長，種種壓力與犧牲其實不足為懼，

「當你見到子女健康、開心，那份滿足感才是最重要。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】