周國賢入行接近20年，多年來網友都集氣希望「推」他上紅館舞台，直至今年終於如願，9月2至4日完成一連三場的「周國賢Endy Chow jaugwokyin THE END」演唱會，演出叫好又叫座。昨晚尾場演出，42歲的周國賢一向眼淺，多次流下男兒淚，當獻唱《天使》一曲時透露感情狀況有變：「呢首歌係當年19歲喺日本寫，而家睇番覺得幾幼稚，自己睇得日劇多懶浪漫，當時覺得點解你唔了解我？而家先明白自己冇喺佢嘅角度去睇。如果首歌唔係唱畀自己聽，而係唱畀佢聽，結果會唔會唔一樣呢？」
同場加映：好聲好戲丨蘇韻姿隻身來港下苦功甩鬼妹口音 自責未能陪伴媽媽：我情願佢鬧我
周國賢變呷醋外父【下一頁】
演唱會在連番Encore下唱到凌晨一點，嚴重超時，他唱出《時空》一曲作結，衷心答謝歌迷支持：「唔知下次幾時再開，所以我好珍惜呢三晚，自己會繼續努力寫歌，希望大家同我一齊成長。」
周國賢完騷後接受訪問，表示連唱三晚加上瘋狂Encore，已經聲沙，但會放肆一下，打邊爐犒賞自己後，再繼續錄音和其他工作。至於婚姻狀況，他說：「咁我喺度講一次，以後都唔會再講，我同佢的確超過一年半前就已經分開咗，始終佢唔喺公眾人物，我都唔想將呢件事變成好大咁，所以我都係用音樂去解釋。咁我哋依然好深愛對方，因為我都好感恩佢陪伴咗我21年嘅光陰，我哋而家選擇咗用另外一種方式去愛，我亦都會繼續履行做爸爸嘅責任，直到老為止，所以大家唔使再擔心。」
周國賢早在日本留學期間對李美英一見鍾情，22歲決定結婚，跟韓籍太太先後誕下3名女兒。男方曾說：「第一眼見到佢喺留學日本嘅宿舍溫習室，覺得好漂亮，一見鍾情；我睇到佢眼睛，眼神親切。如果真係有前世今生，我肯定我前世已經認識佢。就因為咁，我覺得佢係我太太。」
2013年，有傳周國賢出軌，對方為公司女助手，此事令太太帶同女兒遠走加拿大，周國賢因此患上抑鬱症，到加拿大休養，與家人團圓，化解婚姻危機。2019年情人節，網民影到周國賢在尖沙咀海旁自彈自唱，對太太表白，力證婚姻無問題。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉