林峯愛女2歲生日包場大排筵席 「好愛」小公主用心佈置夢幻海洋風

現年42歲嘅林峯兩年前喜獲囡囡，之後佢太太張馨月就經常同大家分享家庭生活片段，二人嘅小公主「格格」萬千寵愛在一身。雖然爸爸正參與內地綜藝節目《披荊斬棘2》，但都抽空為愛女舉行盛大生日派對，認真係廿四孝爸爸。

同場加映： 林家謙自嘲「手語式」跳舞 意外後開騷有壓力 機關人性化

{{hket:ul-video id="6428"}}{{/hket:ul-video}}

{{hket:inline-image name="8d7d81bfly1h5nhi811dnj20qe0z5q7f.jpg"}}{{/hket:inline-image}}

近日格格快將迎來兩歲生日，有網民喺社交平台Post出林峯精心籌備嘅夢幻生日會現場，相中所見林峯包起咗成間餐廳，仲邀請咗好多參與《披荊斬棘》錄製嘅「哥哥們」出席。現場以藍色為主調，用大量白色鮮花點綴，而所有餐具都用上深海藍色，又有唔少海洋生物圖案，舉辦一個夢幻海洋風派對。

林峯身穿白色外套黑色短褲，以一身休閒裝扮同囡囡慶生，相信係唔想搶咗囡囡風頭。林峯仲落手落腳為阿女喺「主席位」安裝BB餐椅，又喺每個位置都放上感謝卡，以女兒「第一身」答謝賓客：「感謝您們百忙中參加我的生日派對，願您們和我一樣，永遠幸福快樂，愛您們呦！」林峯同張馨月一直都保護囡囡未有公開樣貌，雖然睇唔到囡囡有咩反應，但爸爸對佢做嘅每一個小細節充滿愛，相信一定係一個幸福小公主。